一杯鐵板燒居酒屋 (已結業)

門口細細估唔到入內地方寬敞樓底好高，眼前呈現一條日本街巷，恍如置身於日本的强烈感覺，疫情下當去咗日本旅行享受一下相當值得。鯛魚湯野菜烏冬 $58鯛魚湯呈奶白色，入口鮮甜味道濃郁，來到趁熱飲帶來暖意一點都唔腥。烏冬軟滑彈牙，有少少野菜好淋入晒味，整體唔錯。蟹肉牛油果卷 $98賣相討好，絲絲蟹肉味道鮮味，配上入口即溶的牛油果和爽口的青瓜，清新美味口感滿足。上湯揚豆腐 $88豆腐香煎外脆內軟口感嫩滑，伴以甜美的醬汁食好味。鐵板爐魚 $180魚皮煎得香脆，魚肉嫩滑，配以柚子醬汁，清香美味。厚切煙肉炒雜菌 $138菇菌爽口彈力，配埋煙肉咸香惹味。