東海堂 (港鐵樂富站)

營業中

休息中

因為自己生日同埋身邊朋友生日，近排真係食得多蛋糕！上次朋友想俾驚喜我失敗之後，今次我真係想俾驚喜俾壽星女，要同佢一齊慶祝生日，所以一定要買個靚靚蛋糕！不嬲都好鍾意東海堂既蛋糕，因為真係好靚之餘，又好味，又唔貴，完全係有質素，所以好多時講到要買蛋糕、西餅等，又要錫住荷包既時候，我都會走去東海堂買。今次同朋友相約好係樂富地鐵站等人，對方遲到，咁我地見到地鐵站入面有東海堂，就順便睇下蛋糕。見到呢個赤苺の雪芳價錢唔貴，只係賣$138，但係個賣相唔錯，士多啤梨應該係穩陣派，所以就決定咗買呢個赤苺の雪芳！終於，我地等齊咗人，到咗目的地，就等壽星女出現。壽星女一出現，我地就唱生日歌，蛋糕就出場啦！壽星女表示真係有驚喜，今次真係估唔到，睇黎今次真係成功啦！XD其實切蛋糕真係要D技巧，少D技巧就好似我朋友咁，切到個蛋糕……都仲見得人既~XD白色忌廉好幼滑，好香vanilla味，再配合中間粉紅色既海綿蛋糕，兩層粉紅色既海綿蛋糕中間又夾雜住vanilla cream、士多啤梨醬同埋士多啤梨果肉，味道係有層次既，而且夾得好好。唯一不足之處係蛋糕上面既士多啤梨唔夠甜，有D酸，可能唔當造啩~但係個蛋糕係值得推介！