西貢越南餐廳 (已結業)

美利樓黎過幾次，但食就係第一次大約6點幾就入黎依間restaurant，但不算多人，可能仲算早啦...staff問我地想坐入面定balcony位，選左坐balcony，雖然天氣都熱熱地，但天花板上面安了扇形的風扇，環境總算不錯，坐多陣都唔會話太熱。1. 柚子乾蝦沙律 - 有D柚子整得比較碎，但味道酸酸地，加上乾蝦都算大隻，清清地唔錯。2. 香辣豬生菜包 - 開頭以為要自己親手包個隻，點知黎到已經係整好俾你，每塊生菜上面都算多豬肉，食落去幾juicy，少辣，唔錯。3. Alice White - Chardonnay - 酒我就不嬲都唔識揀，係男友叫的，易入口4. 越式網卷 - 向meun上寫係新菜式，就叫左黎試。入面係蝦，炸得幾鬆脆!5. XXXXX鵝肝紙米卷 - 黎到個陣同想像中不同，話明係紙米卷，咁應該都要有個紙米卷包住個鵝肝，但黎到個陣係無lor...後來同manager講，話幫我地整過。鵝肝都算唔錯，但連埋個紙米卷食落去，我覺得好似D食茄子個一種感覺。6. 鮮芒紅豆黑糯米配云哩嗱雪糕 - 黑糯米入面有紅豆，加埋雪糕一凍一熱去食，正。埋單$7XX，因開了支酒都幾百蚊。