Bitcino (已結業)

中環區酒吧琳瑯滿目，想去間有特色既同朋友傾計飲番杯，上網搵左呢間以Bitcon加Casino做主題既新開酒吧🍸d枱真係賭場咁，雖然唔可以賭博，但好正好有氣氛😆🔸BITCINO🔸呢杯以店名命名既signature cocktail絕對係打卡必點！太空人環抱住杯酒，開蓋仲有煙薰木既香氣😳campari加上意大利橙酒，飲落有d果味，燒木既煙薰味再增加左層次，視覺、味覺同嗅覺集於一身既cocktail，好有心思👍🔸PACHINKO🔸叫得做柏青哥，呢杯酒真係用和風概念，以日本清酒做base、香蕉甜酒同橙皮酒調成～香蕉加橙味混合後竟然係波子汽水味😳藍色既波子汽水cocktail，有驚喜👍🔸RUNNER RUNNER🔸好推介女仔飲既一款，以Gin做基酒調製，有藍莓同士多啤梨味，甜甜地又清新😋酒吧仲有同附近食店合作，可以order野食送過黎邊飲邊食🤤叫左燒牛肉同炸魚薯條，惹味又香口，佐酒一流✨