極尚大瀛喜日本料理 (已結業)

好耐冇食過放題，記得上次食時係半年前係旺角。今天來這間極尚大喜屋，交通方便，係銅鑼灣C出口，行3分鐘就到，非常方便。其實聽過好多人講這間屬於高水準的放題，所以今天放工特登來試一試。食物選擇多， 睇到眼花撩亂！ 有好多張點菜紙！自助區更有沙律, 小食, 甜品同飲品等等。店員招呼好有禮貌，食物亦非常快上！.........三文魚刺身 ，好新鮮，大大件，好肥美！店方的推介：翡翠螺刺身 ，很新鮮爽口。赤蝦刺身，大大隻，好有鮮味。沒有討厭的雪味，入口充滿彈性！.........我們點了好多壽司，一口一件，飯粒顆分明，緊密！鰻魚 蛋卷(左面)，外層有小小脆口，感覺好特別。花之戀人 雙色親子花 ，賣相吸引，好別緻！沙律和蟹子都好豐富，而且外面仲有三文魚包住，味精濃郁。極品香蒜和牛壽司(左後),和牛配壽司我都是第一次食，的和牛好林，好好味。海膽醬黄金蝦(右後) ，蝦上面有海膽醬，已經有咸味道，所以連豉油都不用點。煙三文魚芝士班戟，細細件，底層是蛋糕。但食落不太似斑戟。.............炸芝麻雞翼 和炸蠔 ，炸蠔鬆脆可口，內裏有的沙律醬，感覺清新。雞亦非常入味，外脆而雞肉就滑同 juicy。..