大滿喜日本料理 (已結業)

好耐冇食日本放題，所以今晚就約男朋友去食放題放縱自己一下。有餐前小食提供給食客享用(中華沙律、泰式鳳爪、辣味螺肉、咖哩魚蛋……)，鳳爪螺肉非常爽口入味，十分開胃。有各式各樣飲品給食客放題，適合不同喜好嘅食客。一開始我們點了個刺身拼盤，刺身新鮮鮮甜，蝦刺身爽口彈牙好有蝦味，三文魚腩十分肥美入口滲出魚香味，鮑片同樣鮮甜。我非常欣賞火灸左口魚壽司，經火燒過嘅左口魚，魚油滲出包圍整件壽司，令整件壽司都充滿魚油嘅香味，令人垂涎三尺。燒牛舌極之爽口，牛肉味甚濃。燒羊架更加出色，燒羊架嘅時間剛剛好，所以羊架十分嫩滑，而且羊肉並沒有羶味，適合怕羶味的朋友。海鮮粥材料十足，蝦和蜆肉都十分新鮮令粥具有鮮味，而栗米和雜菜粒則令粥具有甜味。粥底好綿，令人食指大動。最後還有自助甜品供應，有雪糕、雪條、雪米滋、乳酪和各式甜品、且是一口size，正！每樣都可以淺嚐一下。