影片
更多
2011-10-06
950 瀏覽
細細個都已經好鐘意食大閘蟹, 由其鐘意係D國貨公司個度望住個蟹雪櫃, 睇住D蟹不停嘔白泡, 有時會嘔到成個雪櫃都係泡連D蟹都見唔到, 但係點解家陣係鋪頭度D蟹又唔多嘔白泡既呢, 係買到番屋企灘住度等蒸既時候會嘔少少, 聽講多白泡個D蟹先靚架喎入正題唔經唔覺都幫襯左肥仔號有五至六年喇, 年年最少都黎三兩次買大閘蟹, 最初係見到雜誌有賣廣告又有優惠卷, 類似咩買滿二百蚊就送多一隻細蟹, 抱住是但入一間買既心態就咁開始左幫襯喇, 買買下咁多年, 年年D質素都好穩定, 未試過出事(其實無優惠卷在手只要開聲問D阿姐有無蟹送佢都會送俾你)今年買依然有蟹送, 買滿三百蚊就送多隻3両幾唔夠4両既細蟹, 當係BOUNS啦, 但好似先幾年二百蚊就會送揀左一百蚊三隻既平價蟹, 12隻加埋送個一隻, 總共13隻, 以呢個價錢大細係合格既, 佢咁多年黎都無加過呢D細蟹價, SIZE都差不多, 算係咁不過百物騰貴, 以前差不多每買一百蚊野就肯送一套蟹具, 家陣買四百蚊蟹求佢先送得兩套, 唯有自掏腰包買多兩套, 盛惠廿蚊~不過次次食大閘蟹都係一樣, 一有得食就好心急襯熱食, 所以係無影到相既...相信下一次我都唔會
入正題
唔經唔覺都幫襯左肥仔號有五至六年喇, 年年最少都黎三兩次買大閘蟹, 最初係見到雜誌有賣廣告又有優惠卷, 類似咩買滿二百蚊就送多一隻細蟹, 抱住是但入一間買既心態就咁開始左幫襯喇, 買買下咁多年, 年年D質素都好穩定, 未試過出事
(其實無優惠卷在手只要開聲問D阿姐有無蟹送佢都會送俾你)
今年買依然有蟹送, 買滿三百蚊就送多隻3両幾唔夠4両既細蟹, 當係BOUNS啦, 但好似先幾年二百蚊就會送
揀左一百蚊三隻既平價蟹, 12隻加埋送個一隻, 總共13隻, 以呢個價錢大細係合格既, 佢咁多年黎都無加過呢D細蟹價, SIZE都差不多, 算係咁
不過百物騰貴, 以前差不多每買一百蚊野就肯送一套蟹具, 家陣買四百蚊蟹求佢先送得兩套, 唯有自掏腰包買多兩套, 盛惠廿蚊~
不過次次食大閘蟹都係一樣, 一有得食就好心急襯熱食, 所以係無影到相既...相信下一次我都唔會記得影
D蟹雖然細隻, 但係都好爆膏(雖然只能夠爆係佢細細既軀殼入面), 好甘香~
公唔足四両一隻, 雖然未係時候, 但都中上, 都有好多白色膏, 亦即係好多公蟹既精子
乸就更加係我至愛, 雖然是次只係有三両半左右, 但D橙黃色既蟹膏實在好香, 以呢個大細既蟹黎講算係好多膏好爆了
D大閘蟹未至於係極品, 但係絕對可以話係物超所值
張貼
