老掌櫃東北菜館 (富達廣場)

營業中

休息中

老掌櫃係我地平時諗唔到食咩就會叫外賣既餐廳，今次去左餐廳食，星期五晚，全場都好full，得返張枱，個位有少少窄😂我地叫左白菜豬肉餃、清炒窩荀、四喜烤麩、軟炸里脊同螞蟻上樹上菜速度好快，黎到啲餸仲出緊煙，好有鑊氣每一碟都好大份量，其實兩個人叫三碟都夠晒食，係我地太多野想食，有啲貪心😂個軟炸里脊真係好好食，我每次都會食，炸得黎又唔係好熱氣，啲肉又好冧。螞蟻上樹就好視乎個人口味，我唔太食得辣，所以佢小小辣係好啱我，但好食得辣既人就會覺得佢唔夠味。其實每碟餸都好食，而且食親既質素都一樣好，份量又多，叫碟水餃已經可以當主食。所以哩到實至名歸做我地既晚餐飯堂！