堅韓牛韓燒放題 (已結業)

今次食嘅呢間牛肉燒烤放題，係同事響FB廣告上見到嘅， 本着試伏嘅心態挑戰，但食落又唔係太差，整體讚多過彈。🍖精選美國牛肉餐$258/110分鐘首先要讚嘅就係佢哋嘅牛肉，個人最鍾意嘅就係佢哋嘅美國安格斯肉眼，油花非常靚仔，燒嘅時候香氣四溢，食落肉味濃油香十足，淨係呢款肉已經不停encore，佔咗我今餐嘅一半有多🤣但其實呢度嘅食物選擇都唔少，無論生肉同熟食質素都有返咁上下，飲品方面除咗幾款大路嘅飲品外，仲有幾款自己沖製嘅茶擺喺雪櫃， 正好可以解解膩，而雪糕都係任食，個牌子係未見過嘅，玄米茶味幾特別，質感就似雀巢雪糕杯。不過有少少要彈番，佢哋個抽風系統比較弱咗啲，食完衫褲都幾大陣燒烤味。