影片
更多
2017-05-17
462 瀏覽
上次入長洲果時好想試呢間漫活堂，但可惜我地無BOOK位，而佢地又FULL哂，所以最後都係試唔到。但原來佢地係花墟都有分店架，叫做補償番個遺憾啦，哈哈。餐廳裝修以木為主，感覺好自然舒服，而成個門口都用左玻璃採光，如果晴天黎食BRUNCH應該會好好FEEL。漫活堂唔只有野食，仲有野賣，主要都係D有機同埋健康食品。低溫’浸’煮無激素雞胸肉配鮮橙西柚沙律 $98平時我好怕食雞胸，因為唔鍾意佢鞋十十，但呢個低溫煮雞胸完全冇呢個問題，肉質仲係好嫩，正。另外沙律好新鮮，加埋甜甜酸酸既橙同埋西柚，真係好REFRESH，好醒神。黑虎掌蘑菇螺絲粉配有機羅勒醬 $108螺絲粉煮得岩岩好，唔會太林太硬，而且羅勒醬好香，但又唔會太搶，加埋D蘑菇既香味，雖然係無肉，但味道一D都唔會單調，好食。炭燒無激素西班牙豬肩肉配焗青蒜及蘋果芥末醬 $228豬肩肉外面帶有炭燒過既獨特香味，而入面既肉就好嫩滑，熟度控制得十分之好。配菜既小蕃茄都好好食，成個菜都好高水準。呢到無論環境，食物同服務都十分之好，食物真係比預期中出色，基本上3個菜都無咩地方可以挑剔。如果真係要講一個缺點既話，就係食物份量真係偏細，我地2個人食3樣野，其實
但可惜我地無BOOK位，而佢地又FULL哂，所以最後都係試唔到。
但原來佢地係花墟都有分店架，叫做補償番個遺憾啦，哈哈。
餐廳裝修以木為主，感覺好自然舒服，
而成個門口都用左玻璃採光，
如果晴天黎食BRUNCH應該會好好FEEL。
漫活堂唔只有野食，仲有野賣，主要都係D有機同埋健康食品。
低溫’浸’煮無激素雞胸肉配鮮橙西柚沙律 $98平時我好怕食雞胸，因為唔鍾意佢鞋十十，
但呢個低溫煮雞胸完全冇呢個問題，肉質仲係好嫩，正。
另外沙律好新鮮，加埋甜甜酸酸既橙同埋西柚，
真係好REFRESH，好醒神。
黑虎掌蘑菇螺絲粉配有機羅勒醬 $108螺絲粉煮得岩岩好，唔會太林太硬，
而且羅勒醬好香，但又唔會太搶，
加埋D蘑菇既香味，雖然係無肉，但味道一D都唔會單調，好食。
炭燒無激素西班牙豬肩肉配焗青蒜及蘋果芥末醬 $228豬肩肉外面帶有炭燒過既獨特香味，
而入面既肉就好嫩滑，熟度控制得十分之好。
配菜既小蕃茄都好好食，成個菜都好高水準。
呢到無論環境，食物同服務都十分之好，
食物真係比預期中出色，
基本上3個菜都無咩地方可以挑剔。
如果真係要講一個缺點既話，
就係食物份量真係偏細，我地2個人食3樣野，
其實食完都只係僅僅飽，
所以如果份量可以稍稍大份番少少就更好。
張貼
