影片
更多
2023-12-30
18 瀏覽
長沙灣開咗一間新烤肉店會長之家烤肉，聽講口碑唔錯😎 今日過開嗰頭一定要試下😆 餐廳喺地舖，門面好有型格，裝修好似韓國有錢人家族屋企咁，好有特色🤩🤩 好彩有訂位咋，起碼有五組客人因為冇訂位而冇得入座，所以呢一餐真係好期待呀😎🌟草莓忌廉米酒首先叫啲韓式特飲，呢個米酒真係唔錯，裏面有新鮮士多啤梨肉，忌廉味濃，女仔一定啱飲👍🌟爆打香水檸檬(四季春)紅到爆燈嘅爆打檸檬，飲過都知佢有少少香料味道，又真係幾鬼好味喎😌嚟到會長之家梗係要揀個<會長王牌套餐>，價錢非常優惠，都唔少嘢食🤩🌟招牌牛油熟成厚切五層肉賣相一流，有把小型刀仔😆 五層肉上面仲有一層牛油，職員提示每邊燒三分鐘，然後剪開佢再燒，果然啱啱好，我哋兩個都覺得呢嚿肉嘅質素真係唔錯，配生菜食真係冇得頂呀👍🌟特級牛肩脊一碟起碼有十塊，有少少蒜蓉可以配肉一齊燒，油花均勻，有一定厚度，肉味都重，好食😋🌟韓式醬牛五花醃咗嘅牛五花，淨係燒一面已經足夠，差唔多時間就捲起佢，裏面唔使太熟，快靚正又好味😎🌟時令蔬菜拼盤加生菜杯蔬菜拼盤裏面有翠玉瓜，南瓜，雞髀菇，菠蘿，洋蔥同冬菇， 我自己覺得燒五層肉嗰時就最好燒埋雞髀菇同翠玉瓜，因為嗰啲牛油會令
🌟草莓忌廉米酒
首先叫啲韓式特飲，呢個米酒真係唔錯，裏面有新鮮士多啤梨肉，忌廉味濃，女仔一定啱飲👍
🌟爆打香水檸檬(四季春)
紅到爆燈嘅爆打檸檬，飲過都知佢有少少香料味道，又真係幾鬼好味喎😌
嚟到會長之家梗係要揀個<會長王牌套餐>，價錢非常優惠，都唔少嘢食🤩
🌟招牌牛油熟成厚切五層肉
賣相一流，有把小型刀仔😆 五層肉上面仲有一層牛油，職員提示每邊燒三分鐘，然後剪開佢再燒，果然啱啱好，我哋兩個都覺得呢嚿肉嘅質素真係唔錯，配生菜食真係冇得頂呀👍
🌟特級牛肩脊
一碟起碼有十塊，有少少蒜蓉可以配肉一齊燒，油花均勻，有一定厚度，肉味都重，好食😋
🌟韓式醬牛五花
醃咗嘅牛五花，淨係燒一面已經足夠，差唔多時間就捲起佢，裏面唔使太熟，快靚正又好味😎
🌟時令蔬菜拼盤加生菜杯
蔬菜拼盤裏面有翠玉瓜，南瓜，雞髀菇，菠蘿，洋蔥同冬菇， 我自己覺得燒五層肉嗰時就最好燒埋雞髀菇同翠玉瓜，因為嗰啲牛油會令到啲蔬菜更加好食， 其他蔬菜我都覺得超正，燒波羅更加冇得頂啦👍👍
🌟醬油蟹膏蟹子拌飯
另外我都加咗個飯，飯上面有雞蛋，芝麻，紫菜，醬油蟹膏同蟹子，撈埋一齊再配埋燒肉食真係鮮味十足呀🤩
🌟紅豆鯛魚燒
一碟四件，本身裏面都係凍，只要燒香咗兩邊食就啱啱好，每人兩粒非常滿足😌
＜會長之家烤肉＞睇嚟真係好紅，咁多人都摸門釘，覺得自己有book枱好有優越感添😌😌 但講真，冇辦法，餐廳質素真係高嘅，非常之推介大家嚟試下，一定要試下佢嘅五層肉，不論打卡同味道都係一定有保證，真心推介👍
張貼
