滿屋日本料理 (大鴻輝(荃灣)中心) (已結業)

呢間滿屋合共食左2次，旺角果間都食過一次。第一次食嘅時候刺身不錯，係佢啲避風塘系列伏左啲，因為佢呢個系列好似預先做定，又凍又唔好食。今次再食，一個字，差！首先刺身唔靚，三文魚比背脊位，帶子碎上，赤貝唔爽又腥。熱食係啲雞翼、紫心香芋丸呢啲大路野可以。野食唔好都算，經常漏單，野野叫左又唔出，朋友嗌左個荔枝特飲，催左5、6次都未黎，準備離開時杯野飲先到。張枱亦唔好得去邊，因為佢用單張細枱拼做一張大枱，張枱好容易就成日跣走左，幾次都差啲倒瀉左啲野食。唔推薦去滿屋。