魚鮮生刺身專門店 (已結業)

Lunch time去登龍街食飯，見到只有依間無人排隊，午市又有85折就入去試下。老實講環境唔錯，有居酒屋feel，入座前都有員工幫手量體溫而且有禮貌。但一到食物真係完全唔得。叫左十勝豚肉丼，先上一碗湯。本來以為係味噌汁但基本上係味精湯，好咸！咸到全枱人飲完第一啖之後呆晒。到十勝豚肉丼，一上菜已經覺得唔對路，似燒豬扒飯多d，到底有無研究過十勝豚肉丼係咩樣？利申自己有係北海道食過正宗十勝豚肉丼亦有係香港食過，唔敢話自己係食家但依間係我食過咁多間之中最差。首先豬肉厚切到同食豬扒粒一樣，好鞋。唔係所有加左日式醬汁嘅飯就叫丼⋯真係好失望。最有趣嘅係隻半熟蛋係奇怪形狀⋯朋友食牛舌丼，牛舌韌到成個飯有一半都食唔到，水準真係差到嚇一跳，一出門口大家都異口同聲講：無下次。