影片
更多
2012-08-08
165 瀏覽
呢間outback都食過兩三次，都知無尖沙咀個間咁好食，不過貪佢近近地。六點幾打去問今晚仲有無得訂台，佢話最快都要九點，咁好啦book 九點。八點中到左愉景新城，行左陣就去攞位，等左兩三分中就有位，仲要係卡位。一黎就俾左個爛既餐牌我，叫左個愛麗斯坪燒雞胸，另加左個甜番薯，再叫左加士伯12 oz，all day happy hour，所以有兩杯。當然係黑糖面包上先，味道ok，配埋啲 cream又唔會太甜。杯啤酒叫左三四次先到，可以一讚既係隻杯夠凍，但杯啤酒無泡架囉仲要有啲簿冰係度浮！食完條包都飽飽地，個雞胸同個甜番薯一齊到，點知俾錯左薯仔我，落單個時已經講左兩三次係要甜番薯，咁都可以落錯？！叫佢再換過，個甜番薯勁快出到黎，唔係話唔熱既，暖囉，唔係平時熱辣辣熱到上面個酸忌廉都溶，大佬我加左廿五蚊你俾啲咁既野我？！個雞胸仲興，食過咁多次都未試過差到咁，睇佢賣相好ok，芝士同蘑菇好夾。最令我o咀既係第一次食啲煙肉係淋芝芝油淋淋。呀廚師呀廚師，餐牌明明寫住 crisp strips of bacon!!! See!!!搞到要lui哂出黎唔食得！無左脆脆既口感真係差好遠，下次都係出返尖沙咀食穩陣好
六點幾打去問今晚仲有無得訂台，佢話最快都要九點，咁好啦book 九點。
八點中到左愉景新城，行左陣就去攞位，等左兩三分中就有位，仲要係卡位。
一黎就俾左個爛既餐牌我，叫左個愛麗斯坪燒雞胸，另加左個甜番薯，再叫左加士伯12 oz，all day happy hour，所以有兩杯。
當然係黑糖面包上先，味道ok，配埋啲 cream又唔會太甜。杯啤酒叫左三四次先到，可以一讚既係隻杯夠凍，但杯啤酒無泡架囉仲要有啲簿冰係度浮！
食完條包都飽飽地，個雞胸同個甜番薯一齊到，點知俾錯左薯仔我，落單個時已經講左兩三次係要甜番薯，咁都可以落錯？！
叫佢再換過，個甜番薯勁快出到黎，唔係話唔熱既，暖囉，唔係平時熱辣辣熱到上面個酸忌廉都溶，大佬我加左廿五蚊你俾啲咁既野我？！個雞胸仲興，食過咁多次都未試過差到咁，睇佢賣相好ok，芝士同蘑菇好夾。
最令我o咀既係第一次食啲煙肉係淋芝芝油淋淋。
呀廚師呀廚師，餐牌明明寫住 crisp strips of bacon!!! See!!!搞到要lui哂出黎唔食得！無左脆脆既口感真係差好遠，下次都係出返尖沙咀食穩陣好多！
張貼
