富臨漁港囍臨門酒家 (已結業)

尋晚同媽子既幾個朋友黎呢度食飯，其實我都黎過。但呢晚既野食令我好失望，呢晚都唔算太多人。我覺得打邊爐既人仲多過食小菜既。青瓜海蜇都算唔錯既小食，但青瓜可以再酸就好啦。而青瓜尚算脆口既。豆腐拼素鵝我無食到素鵝，豆腐就好好食，但落得太多椒鹽炸啦，所以好鹹呀。雞湯浸皇帝苗無乜特別既，皇帝苗都幾新鮮爽口。豉油王炒麵之前媽子話好得既，但尋晚令我好失望。個色水唔得，而且個炒麵無味既。真係好差呀。芝士海蝦烏冬煲呢個算唔錯啦，芝士味幾夠。而蝦都算好食，只不過個份量可以再多。瑤柱貴妃雞普通啦，係冰鮮雞黎。但個味道都算唔錯。黑椒焗半鞍份量唔算多，但羊一都唔蘇既，就已經唔錯啦。呢餐飯唔係太好啦，食物質素比之前下降得好緊要。失望既仲有，我地仲叫左碟椒鹽鮮魷。但個份量比我地之前食既小好多，我地當然叫佢整過啦。點知佢用炸粉再炸過，令我地有個錯覺以為份量多左。咁做生意點得架，椒鹽鮮魷又黎我而去啦。