影片
更多
2017-01-02
513 瀏覽
正所謂人怕出名，豬怕肥！如果你係千里迢迢專登黎買雞蛋仔食就絕對唔值，如果你係食開的朋友仔聽完我呢個不愉快經歷都要考慮清楚食唔食呀！開業至今大大話話都食左10幾次，但係自從電視節目介紹後，竟然要等成大半粒鐘先有得食，就無再食過喇。沉日經過終於都少返d人，即刻買返我的摯愛朱古力雞蛋仔😀😀😀店員話要等15分鐘左右，所以我就去左附近兜個圈先，返到去剛剛好下個到我。不過等多左10分鐘，眼見我後面2個number都叫左，就問一問係咪漏左單，店員答我就黎整好，然後就即刻起左底雞蛋仔俾我，不過印象中果一底雞蛋仔係我返黎等左陣先見佢整的，心想不妙，10成9係未熟的！果然一搣開見d麵粉係林林地未熟哂，而d朱古力就只係溶左少少，同以往食開的完全唔一樣，就知我頭先一定無睇錯。但係店員竟然叫我食左覺得唔得先換啦，仲話我一定係第一次食！d態度真係幾差！食左落口發現d麵粉係黏黏笠笠的，直頭會痴住牙的果種程度，店員先話換返俾我，但要等多10分鐘，心諗我都幫襯左咁多次，就俾多一次機會佢啦！等緊的時候，店員竟然攞我退俾佢的雞蛋仔俾其他客試食，真係好唔衞生！重點係個雞蛋仔根本未熟，所以個客問店員呢個係唔係芝心雞蛋仔果時，我
如果你係千里迢迢專登黎買雞蛋仔食就絕對唔值，如果你係食開的朋友仔聽完我呢個不愉快經歷都要考慮清楚食唔食呀！
開業至今大大話話都食左10幾次，但係自從電視節目介紹後，竟然要等成大半粒鐘先有得食，就無再食過喇。
沉日經過終於都少返d人，即刻買返我的摯愛朱古力雞蛋仔😀😀😀店員話要等15分鐘左右，所以我就去左附近兜個圈先，返到去剛剛好下個到我。不過等多左10分鐘，眼見我後面2個number都叫左，就問一問係咪漏左單，店員答我就黎整好，然後就即刻起左底雞蛋仔俾我，不過印象中果一底雞蛋仔係我返黎等左陣先見佢整的，心想不妙，10成9係未熟的！
果然一搣開見d麵粉係林林地未熟哂，而d朱古力就只係溶左少少，同以往食開的完全唔一樣，就知我頭先一定無睇錯。但係店員竟然叫我食左覺得唔得先換啦，仲話我一定係第一次食！d態度真係幾差！
食左落口發現d麵粉係黏黏笠笠的，直頭會痴住牙的果種程度，店員先話換返俾我，但要等多10分鐘，心諗我都幫襯左咁多次，就俾多一次機會佢啦！
等緊的時候，店員竟然攞我退俾佢的雞蛋仔俾其他客試食，真係好唔衞生！重點係個雞蛋仔根本未熟，所以個客問店員呢個係唔係芝心雞蛋仔果時，我就諗梗係唔係啦，係d麵粉未熟所以先會變到咁的口感！
10分鐘後，佢攞個新整的雞蛋仔俾我，但係完全無吹風就攞俾我，熟就真係熟左喇今次，不過一d都唔脆！好記得之前食尖咀果間媽咪雞蛋仔，老闆係勁堅持要吹一陣等個皮脆左先可以食，呢d先叫做專業呀
呢次經歷真係非常唔開心！以後都唔會食呢間雞蛋仔，未熟都賣俾人，勁唔專業！好後悔無影低個未熟的雞蛋仔，無得俾大家睇下係幾得人驚！
張貼