花宵 (已結業)

銅鑼灣好多日本菜，呢間唔貴食物又幾好。叫咗少少刺身同壽司。揀咗中吞拿魚腩刺身同真鯛刺身。中吞拿魚腩肥面不膩，一啖滿滿的口感～真鯛都幾新鮮。壽司每人兩件，揀咗火炙左口魚邊壽司及金線鯛壽司。左口魚邊油份好夠。金線鯛都幾肥美。炸物揀咗辛辣炸雞槌。有4件，幾夠辣味！炸芝士年糕好抵食又好味！芝士拉絲，年糕Mochi! 另外明太子雞翼又係辣辣地。夠惹味。串燒有我重口味嘅青椒仔串。青椒仔好香，椒味重～再揀了一口牛串，燒得幾香。味噌豆腐燒串都好讚！ 豆腐香香，皮又脆脆。腸串都幾好。小食燒鱈魚干脆口。最後食埋甜品紅豆抹茶蕨餅。