影片
更多
2023-02-17
124 瀏覽
👨🏻方叔叔重慶老火鍋 📍西環堅尼地城卑路乍街163號聚賢逸居1樓-----❄️天氣凍冰冰，又係時候烚吓烚吓。加上麻辣癮發作，一於黎搵方叔叔會一會佢。其實呢間方叔叔就係以前嘅渝味曉宇，只不過佢地之前將加盟品牌正式轉做直接經營，所以就全線改名，而呢一次就係佢改咗名之後第一次黎試下味道有無唔同。.一坐低首先職員就貼心送上一碗糖水☺️.火鍋湯底可以揀鴛鴦口味，幾啱我呢啲腸胃唔好，唔可以淨係食麻辣嘅人🤪。叫咗（重慶辣）麻辣火鍋同養生花膠雞鍋，一紅一白，一辣一清，平衡得不錯，花膠雞濃濃香香，幾滋補，麻辣就係一如以往地鮮香麻辣，層次分明，不過食到後期成個咀都係辣嘅，食到覺得連白湯都係辣嘅😂，情人節仲有限定嘅心形辣椒膏❤️送，打卡一流。👶🏻B仔Total叫咗：#重慶耗兒魚（一份）$128#武隆苕粉（一份）$48#紐西蘭精品羊肉卷（一份）$108#鰻魚（白鱔）（一份）$108#包漿豆腐(一份）$48#手打魚籽蝦滑(半份）$58#韭菜豬肉水餃(半份）$30#鴨血（半份）$48.🥢武隆苕粉質感好似薯粉咁，煙韌彈牙，同麻辣湯底即係人間絕配，不過唔食得辣嘅人就未必頂得住，因為佢真係會盡吸湯底嘅精華，辣得好爽好過癮，但
📍西環堅尼地城卑路乍街163號聚賢逸居1樓
-----
❄️天氣凍冰冰，又係時候烚吓烚吓。加上麻辣癮發作，一於黎搵方叔叔會一會佢。其實呢間方叔叔就係以前嘅渝味曉宇，只不過佢地之前將加盟品牌正式轉做直接經營，所以就全線改名，而呢一次就係佢改咗名之後第一次黎試下味道有無唔同。
.
一坐低首先職員就貼心送上一碗糖水☺️
.
火鍋湯底可以揀鴛鴦口味，幾啱我呢啲腸胃唔好，唔可以淨係食麻辣嘅人🤪。叫咗（重慶辣）麻辣火鍋同養生花膠雞鍋，一紅一白，一辣一清，平衡得不錯，花膠雞濃濃香香，幾滋補，麻辣就係一如以往地鮮香麻辣，層次分明，不過食到後期成個咀都係辣嘅，食到覺得連白湯都係辣嘅😂，情人節仲有限定嘅心形辣椒膏❤️送，打卡一流。
👶🏻B仔Total叫咗：
#重慶耗兒魚（一份）$128
#武隆苕粉（一份）$48
#紐西蘭精品羊肉卷（一份）$108
#鰻魚（白鱔）（一份）$108
#包漿豆腐(一份）$48
#手打魚籽蝦滑(半份）$58
#韭菜豬肉水餃(半份）$30
#鴨血（半份）$48
.
🥢武隆苕粉質感好似薯粉咁，煙韌彈牙，同麻辣湯底即係人間絕配，不過唔食得辣嘅人就未必頂得住，因為佢真係會盡吸湯底嘅精華，辣得好爽好過癮，但係腸胃唔好嘅人未必好適合食，因為唔容易消化同真係好辣。
🐏平時唔食羊肉嘅我，一食麻辣火鍋就必須order羊肉，麻辣湯底令羊肉膻味盡去，入口酥軟酥軟的，個人覺得比起其他肉，都係羊同麻辣最夾。同羊肉一樣非常暖胃嘅仲有韭菜豬肉水餃，一咬落去澎湃韭菜香氣立即席捲而來。
另外食麻辣又點可以無🦆鴨血，質感滑溜滑溜的，係熱門火鍋料之選，而手打蝦滑則是蝦味突出，連放係強勁嘅麻辣湯底中烚完都依然食到蝦鮮味。
🐟鍾意食海鮮的話，鰻魚同耗兒魚都係唔錯嘅選擇，前者非常厚身，魚脂豐腴。後者魚質實身，鮮味突出。
最後想推薦嘅仲有包漿豆腐，呢款係以前係渝味無見過嘅，豆腐表層係比較硬身嘅豆腐皮層，好似布袋咁包住中間好似豆腐花咁柔軟嘅豆腐，非常特別，大家咬嘅時候記得小心中間爆出黎熱親～
張貼
