影片
更多
2017-10-31
137 瀏覽
到左一個星期入面最難熬既星期三 ，就當然要食番餐好既叉叉電。今次就同朋友去左好耐無去既大喜屋到食放題。今次最先黎既係火灸壽司，其中就有我今次最期待既蒜蓉青口火灸壽司。身為青口控既我，一見到就唔洗諗即刻叫黎試下先。食落又幾夾喎，蒜蓉岩岩好，唔太濃，食完冇口臭，而青口都夠大隻食落好有口感。再黎就係刺身啦！所有刺身都切得好厚身，我最愛既劍魚腩夠晒肥美，食完之後啲魚油回甘夠哂正。值得一提既係帶子刺身，唔似出面個啲又薄又細又冇乜味，大喜屋個啲又大又厚，真係要一叫再叫，仲要好鮮甜。講真個句，軟殼蟹手卷同海膽手卷又係必食之選。軟殼蟹大大舊再加埋蛋黃醬，完全係perfect match。而海膽夠哂creamy夠哂鮮甜，份量又夠多。最抵讚既係飯既份量唔太多，完全有位俾你食其他野。今次既重點推介黎喇！！北海燒帆立貝！！大隻多肉不在話下，最正係沙律醬夠重手，夠哂惹味！全晚encore左3至4次 ！銅鑼灣依間大喜屋既飲品唔洗自己拎，寫左單就有人拎黎俾你。唔洗好似出面個啲咁出去出面逼一餐先拎得幾罐，冇哂飲品唔refill又冇得飲。平時飲黎飲去都係個啲，今次就同個朋友試下新野 ，叫左杯知己紅顏，即係提子梳打。出奇
今次最先黎既係火灸壽司，其中就有我今次最期待既蒜蓉青口火灸壽司。身為青口控既我，一見到就唔洗諗即刻叫黎試下先。食落又幾夾喎，蒜蓉岩岩好，唔太濃，食完冇口臭，而青口都夠大隻食落好有口感。
再黎就係刺身啦！所有刺身都切得好厚身，我最愛既劍魚腩夠晒肥美，食完之後啲魚油回甘夠哂正。值得一提既係帶子刺身，唔似出面個啲又薄又細又冇乜味，大喜屋個啲又大又厚，真係要一叫再叫，仲要好鮮甜。
講真個句，軟殼蟹手卷同海膽手卷又係必食之選。軟殼蟹大大舊再加埋蛋黃醬，完全係perfect match。而海膽夠哂creamy夠哂鮮甜，份量又夠多。最抵讚既係飯既份量唔太多，完全有位俾你食其他野。
今次既重點推介黎喇！！北海燒帆立貝！！大隻多肉不在話下，最正係沙律醬夠重手，夠哂惹味！全晚encore左3至4次 ！
銅鑼灣依間大喜屋既飲品唔洗自己拎，寫左單就有人拎黎俾你。唔洗好似出面個啲咁出去出面逼一餐先拎得幾罐，冇哂飲品唔refill又冇得飲。平時飲黎飲去都係個啲，今次就同個朋友試下新野 ，叫左杯知己紅顏，即係提子梳打。出奇既係完全唔似藥水味，味道仲較得岩岩好，又唔係太甜。正！
燒物同一品料理既水準食左咁多年都仲保持到。
最後就緊係食埋甜品啦！重點推介就係依個平平無奇既白色野。其實佢係牛奶布甸，佢好味在奶味夠濃但又唔會太甜，食多幾個都唔怕肥。總括黎講，大喜屋依然係我既放題首選，味道一流，上菜又夠快，水準依然保持到。就算有幾次漏左單，佢地都好快follow up出番齊。同埋，最好就係野飲唔洗同人爭餐死呀嘛。
張貼
