Ben哥米線

營業中

休息中

自從美孚開咗Ben哥米線，試過推介既墨魚頭後就好鍾意食，一個月食2、3次。但最近發現味道唔同咗，食開麻辣小小辣但湯底淡咗無乜麻味而變咗食小辣，墨魚頭無咁爽口仲無乜味。今晚再次幫襯，原本想堂食但個地好滑感覺有啲污糟就改為外賣。叫咗麻辣墨魚頭魚腐米線小辣（走韮菜、芽菜）。等咗15分鐘先有，其間有問過個亞姐咁耐既，純粹驚漏單，但個亞姐目無表情答「未得喎」。返家一打開😱點解同平時唔同樣既，啲肉碎唔見晒，收成$10一個餸既墨魚頭居然得6小粒😩味道已經無咁好食，連啲餸都咁少，收成$43（麻辣米線$31+2餸$17外賣9折）完全唔值。