沙沙茶座 (已結業)

本來一家人開開心心諗住唔洗煮飯，唔洗洗碗，去樓下食餐飯，叫左枝竹火腩豆腐煲，點知豆腐係酸o架 然後有腰果西芹雞柳，呢個味道都唔差，份量都唔少，仲有個芝士石斑焗意粉，點知黎左個飯，要再等過先有，個味道OK，不過o的蘑菇又係酸酸地 初初諗住街坊生意唔緊要，點知我爸爸去俾錢個陣，明明拎左一百蚊出黎，然後再拎散銀，點知個收銀話o個張一百蚊唔係我爸爸o架喎!!! 我爸爸大男人又唔想同人嘈，竟然算數，仲要返到屋企先話我知，真係無奈!!!