當文歷餅店 by Dominique Ansel (已結業)

呢間來自紐約既人氣打卡餅店，上次黎既時候，因為疫情暫停左堂食，所以失望而回，今次終於可以食到了。沙嗲牛肉花生燒分為單點$58同連飲品套餐 $78，我地選擇左套餐，兩大粒花生其實係鬆軟既窩夫，外型夠曬吸引，餡料係沙嗲牛肉，再配自家秘製沙嗲醬，醬料味道濃郁，略帶微辣辛香，醬汁有花生碎粒，更添口感。新桂香叉燒蛋牛角包分為單點$68同連飲品套餐 $88，我地都係選擇左套餐，牛角包非常酥脆，充滿牛油香氣，每日會預留柴灣老字號新桂香燒臘新鮮出爐既叉燒，配上蔥花奄列同自家製蜂蜜蛋黃醬，口感極豐富。