Artifact

營業中

休息中

收工後同班朋友去 happy hour，聽聞呢度有間隱世酒吧就想過嚟試下，上網睇超過三個人就要 make reservation~ 個入口真係唔容易搵，穿過 food court 遠處見到暗角有道好隱蔽嘅門，要撳掣先會慢慢打開，好有神秘感！酒吧入面燈光昏暗，座位設計有太空艙嘅感覺，特別有格調。首先要讚嘅係本 menu 好靚，看似簡單嘅設計，其實仔細描繪出每一杯嘅成份、garnish、layer、冰嘅形狀、酒杯 etc，淨係欣賞本 menu 都花咗好多時間 🤣 另外staff 都好友善，影相會幫手打燈好專業咁 🤣我地試咗六杯唔同嘅 cocktail，每一杯調出嚟都好獨特好有心思，賣相好吸引，尤其冰塊打磨得好別緻。可惜味道偏清淡，帶唔出獨特嘅風味，口感一般，而且價錢為 $170/杯亦偏貴，加上是日無得點熟食，只有無限 refill 嘅蝦片…… 所以坐多陣就轉場了。