雞仔去骨海南雞專門店 (靄華大廈)

營業中

休息中

我地兩個人臨近10點行入鋪頭，入面嘅姐姐叫我地坐低。一坐好，個姐姐就氹我地嗌A1嘅大份雞飯，但可惜我地兩個一定係食唔曬，我地就話嗌兩份中嘅就可以。然後！個姐姐依然唔肯罷休，叫我地嗌大份，我只好解釋，就算嗌大份最後都係會食淨㗎啵！個姐姐就叫我地等陣然後走入廚房問，問完後先死死氣咁落單。你以為完？未呀！比單我地嗰陣仲要黑口黑面細細聲咁話會賣唔曬。吓？點解你地賣唔曬要怪客？唔通最後一枱客就有義務要幫餐廳買曬啲野食？再加上，嗌大份事小，問題係根本食唔晒！解釋完都要黑面，咁係咪你賣唔晒我就算食淨都要比錢買大份呢？？實在係過分，難道宜家連選擇嘅權力都冇？依種服務態度真係不敢恭維。