鴻星中菜 (已結業)

昨晚為了慶祝父親大人生日兼為母親預祝母親節，所以大家打算搵一間好酒樓食番餐。我心想呢度應該唔錯，結果我們挑選了一個6-7人餐、再另加扇貝(每隻$15)及花膠筒(每隻$20)。套餐內包括: 魚翅、味道適中，全晚最好味。燒乳豬，太乾且鹹。斑兩味:魚湯都幾好，不過炆魚腩好唔掂，太鹹。仲有蠔油炆茹都好鹹，鮮蝦炒脆玉瓜:蝦唔夠新鮮。本來套餐有飯，唔記得咩原因無供應，最後改乾燒伊麵，由於大部份食物過鹹，雖然乾燒伊麵淡了一點，反而怡到好處。甜品有三款: 紅棗糖水，太甜。小白兔:賣相幾靚，味道普通。紅豆榚不過不失。而另加的扇貝唔錯，可惜花膠筒又係用蠔油炆，所以都係犯同一問題，好鬼鹹。母親大人好不滿，大部份食物過鹹，所以大家都無瘾。總括而言，好失望，名過其實，之前去銅鑼灣果間都無咁差，一定唔會再黎呀!　星期日都係要同母親大人飲早茶再慶祝。