小南國 (已結業)

大夥親戚食團年飯，通常都係食返粵菜，今次揀嚟小南國我都幾surprised，親戚話唔好次次約出嚟都食一樣喎。先睇新春套餐菜單：前菜已經擺滿張枱，特別喜歡馬蘭頭乾絲。主菜重點講幾個。南國薑蓉雞我嫌佢過淡，無論隻雞定面頭嘅薑蓉都冇乜味。發財大元蹄，賣相幾吸引，味道都合格。全家福，大大煲好多料。最好食係啲蛋餃。湯底唔太鹹ok。灌湯生煎包，外脆內軟，非常可口。甜點都做得幾有誠意，桂花糕、煎堆值得推介。花生狀嗰啲係酥皮入面有花生，食落似食花生醬麵包咁。今餐都算食得開心，ok