影片
更多
2023-10-06
447 瀏覽
貼錢買難受，這是我的感受。我以下講的係全部真實感受，我唔會只係形容自己有幾貼錢買難受，可能有些朋友會覺得性價比還不俗，我只是提供我個人遇到的情況給大家參考。陶源唔知幾時開始由一間中級酒家變成一間茶餐廳，其實我都一早知道。康城陶源我都去過一次飲茶，服務及環境令人驚訝，因為茶餐廳至少有哥哥仔放低兩杯水，問你「食乜呀，快啲啦」，而陶源係沒有人理你，而且啲嘢非常陳舊。康城商場開了幾年我唔記得，但這間陶源的嘢好似用了三十年咁舊。講返大閘蟹放題，是日係中秋節。係我衰，我懶，我想食大閘蟹但我唔想自己整，所以我竟然再去陶源。網上平台先繳大約$558一位，兩人共$1116，埋單再另外俾茶介加一$150，所以總共係$1266。* 2小時無限任食大閘蟹、片皮鴨放題（放題點餐紙）* 【網上平台獨家】每位顧客可享 蟹粉小籠包（一件）、花雕熟醉蟹（一隻）、秘制妙齡乳鴿（半隻）* 【額外加送】每位顧客可享 特盛三式（鮑汁扣原隻鮑魚伴百靈菇、金湯小米燴遼參、蟹粉扒豆苗）* 用餐時間：第一輪18:00 - 20:00；第二輪19:45-21:45* 如你未有準時於預約時間抵達餐廳，餐廳將取消你的訂座，而
貼錢買難受，這是我的感受。
我以下講的係全部真實感受，我唔會只係形容自己有幾貼錢買難受，可能有些朋友會覺得性價比還不俗，我只是提供我個人遇到的情況給大家參考。
陶源唔知幾時開始由一間中級酒家變成一間茶餐廳，其實我都一早知道。
康城陶源我都去過一次飲茶，服務及環境令人驚訝，因為茶餐廳至少有哥哥仔放低兩杯水，問你「食乜呀，快啲啦」，而陶源係沒有人理你，而且啲嘢非常陳舊。康城商場開了幾年我唔記得，但這間陶源的嘢好似用了三十年咁舊。
講返大閘蟹放題，是日係中秋節。
係我衰，我懶，我想食大閘蟹但我唔想自己整，所以我竟然再去陶源。
網上平台先繳大約$558一位，兩人共$1116，埋單再另外俾茶介加一$150，所以總共係$1266。
* 2小時無限任食大閘蟹、片皮鴨放題（放題點餐紙）
* 【網上平台獨家】每位顧客可享 蟹粉小籠包（一件）、花雕熟醉蟹（一隻）、秘制妙齡乳鴿（半隻）
* 【額外加送】每位顧客可享 特盛三式（鮑汁扣原隻鮑魚伴百靈菇、金湯小米燴遼參、蟹粉扒豆苗）
* 用餐時間：第一輪18:00 - 20:00；第二輪19:45-21:45
* 如你未有準時於預約時間抵達餐廳，餐廳將取消你的訂座，而不作另行通知，亦不會發還退款
* 只適用於堂食
根據上述說明，我㨂咗星期五中秋節正日1945去食。條款沒有講到底要不要預先訂座、要不要早到/遲到。但我都有打去陶源問嘅，佢答我「要打嚟訂位㗎，你訂幾點呀？1945？嚟到可能要等等嘅」。
咁我當然明白，中秋節一定好full，咁既然你俾我訂，我當然就嚟食啦。
1830我放工去到康城（1800第一輪我真係趕唔到，所以訂1945），飲下嘢、周圍逛打發時間，1940我到門口攞位，前面有三至四pair人在等候安排，睇得出佢哋無枱返，安排唔切。而且除了此平台，其實佢仲有各大平台、自己平台提供嘅放題，仲有酒席、散座要招呼，好忙。
35分鐘後，我最後等到2015左右入座。有茶有水嘅，侍應哥哥姐姐話等等，掃完code 好快有嘢嚟，至於蟹呢，你剔點心紙，因為要時間蒸嘅，大約20分鐘就嚟。
咁未有蟹，我諗住食其他嘢先⋯說好的片皮鴨呢？自取？點心紙上有9成嘢都係自取嘅？okok我去自取，自取那個角落⋯除了有一盤豬扒雞翼，有幾籠蒸包點，其他所有嘢都係接近吉嘅。有一塊片皮鴨、有幾舊薑。
自取椒鹽蝦
10 瀏覽
0 讚好
0 留言
任食片皮鴨
1 瀏覽
0 讚好
0 留言
無薑茶的大閘蟹放題
2 瀏覽
0 讚好
0 留言
2 瀏覽
0 讚好
0 留言
6 瀏覽
0 讚好
0 留言
然後我又等咗一陣，我發現無人會再refill那個自取角落嘅任何嘢。我被侍應們評為「遲來的顧客」，我唔值得被提供食物，我只可以返埋位等。
2030，經過一番努力爭取，侍應姐姐知道我存在了，問我「有咩幫到我」
我話「我想食嘢」
最後佢特別為我提供了一碟片皮鴨，及上了花雕熟醉蟹兩隻。
由1945等到2030再努力爭取才有的一碟鴨，其實我已經咩心情都無。
三催四請鴨
2 瀏覽
0 讚好
0 留言
「第二輪19:45-21:45」，我唔知邊個係經理，邊個係負責人，邊個係老闆。但幾個穿西裝疑似經理或部長，好想扮睇我唔到嘅哥哥姐姐喺我面前走過，我只可以對空氣講「你哋做唔到第二輪其實可以早啲同客講」
中秋節你體諒下人哋好忙。我知道一定有人咁諗，同行家人都話，邊個叫你中秋訂呢度。係我錯。真係我錯？中秋節這個日子，在一百年前都知道今日係中秋節吧？正如聖誕節西餐會爆滿，但自助餐第二輪唔會俾吉盤個客吧？
2045再上了特式三盛及幾碟點心紙上點的蔬菜豆腐。蟹呢？我唯有再問。其實有邊個顧客想咁醜樣好似追債咁追嘢食？
鮑魚
2 瀏覽
0 讚好
0 留言
很醜脆豆腐
6 瀏覽
0 讚好
0 留言
金湯遼參
2 瀏覽
0 讚好
0 留言
仲有我發現網上平台的妙齡乳鴿係酒樓樓張單無列的，我都問了，佢哋即炸了一隻俾我。
是的，後來我問的，他們通通都有跟進上菜。
2100-2115
15分鐘內佢哋將我哋三張點心紙下的單全來齊了。20隻蟹，你哋慢慢食。
等了個幾鐘，食了半個零鐘蟹。我係2150直接出去埋單離開。
「你下次唔好咁遲嚟嘛，早啲嚟好多嘢食」下次仲嚟？未必喇。
1 瀏覽
0 讚好
0 留言
2 瀏覽
0 讚好
0 留言
食物味道
蟹：細蟹，大部分我食的都爆膏。一碟上來，有些熱的，有些凍的，我都有食。有些過火肉質偏老。蟹味，係沒有很大蟹味的。吃過十多年大閘蟹就會明白，以前那種蟹味，沒了。就係食個樣、食啲膏嘅質感。
油鹽的鹽味發揮到作用，很香
花雕熟醉蟹也好吃
清蒸就寡了點，蟹沒有太大鮮味
片皮鴨：早幾天午剛吃了北京樓的半隻鴨，那間也不是好吃，這個再差一點。就是一片片肉囉，有皮有肉。反正包起來點啲醬放入口有些肉味。
蔬菜都好，有些油，但很清甜。豆腐很醜，但很脆。金湯那個⋯見到都唔想食，唔知咩味。
鮑魚和菇味道可以。
小籠包頗大，肉可以但沒啥蟹粉味，皮很厚。
總結
貼錢買難受，這是我的感受。
你話人頭$633任食爆膏大閘蟹值唔值，見人見智囉。有蟹有肉有菜有鮑魚乳鴿。
可能正如侍應講，早啲嚟咪好囉！
係嘅，現今香港，九點都水靜河飛，你八點先嚟食，太夜啦！
我每年都會去唔同酒樓食大閘蟹，平時大部分時間都喺街食飯，香港的服務質素，係下滑得驚人。十年前在東凱紅星食個蟹，那叫蟹宴。這幾年去食，都一樣，茶記和工廈飯堂的待遇較好。
我沒有特別怪陶源或網上平台，因為大部分食肆的體驗都差不多。人頭$500-800，大概就係這種水平，人頭$2000的，可能好一點點，嫌貴，人頭$50-80的，感覺比較正常。
你哋自己決定去不去囉，反正我就不會再去。
張貼
