漁屋日本料理 (海寶花園) (已結業)

平時食開放題，價位係二百頭左右，但大家都會明白任食得嘅，質素一般都唔會稱得上係好好。漁屋佢唔走呢條路線，晚上價位278加一，齊頭三百多少少埋單。但佢用料絕對稱得上是中上質素，有大蝦、拖羅、海膽等等，應有盡有。如果要同黑門市場嘅拖羅比，當然仍有距離，但香港呢個價位食到咁嘅質素，絕對係非常OK。臨走佢仲會送你Dreyers雪條同埋一包糖感謝你到來。人情味一百分。