影片
更多
2017-08-29
56 瀏覽
朋友介紹試呢間位於旺角的「鍋匠」, 話呢度有一個質素非常好的雪花牛放題。叫得「鍋匠」, 呢間餐廳主打當然就係火鍋, 而呢度嘅火鍋放題有幾種不同的選擇, 但係因為我地係專程試呢度的雪花牛, 所以就自然係揀「手切Prime雪花牛肉放題」了。拋書包講一講,Prime係指美國農業部(USDA)的最高評級, 肉質同脂肪比例都係最好最平均的, 有別於一般市面上平份廉價的所謂雪花牛^^, 只係用牛油脂肪直接注入牛肉紋理去製造雪花效果, 而且手切的鮮牛肉色澤亦會更為亮澤, 唔會好似廉價雪藏牛咁色澤暗啞, 所以手切Prime雪花牛食落會非常有肉的鮮味。除左招牌手切Prime雪花牛之外, 呢個放題亦都包埋安格斯牛肉同一口牛, 不過呢, 我個人就覺得食呢個放題最好都係全力食多d雪花牛喇, 因為Prime雪花牛的價值真係唔平架, 放題梗係要食貴野喇。而事實上呢個放題的手切Prime雪花牛質素亦都真係相當之高。除左雪花牛之外, 放題本身亦都包左好多種基本湯底, 肉/丸/菜/飯/麵等等的火鍋食材, 同埋飲品同甜品, 所以係絕對夠食飽飽嘅。不過我同朋友都係識食之人, 點會咁易滿足, 所以我地加錢改左要做緊promo
朋友介紹試呢間位於旺角的「鍋匠」, 話呢度有一個質素非常好的雪花牛放題。叫得「鍋匠」, 呢間餐廳主打當然就係火鍋, 而呢度嘅火鍋放題有幾種不同的選擇, 但係因為我地係專程試呢度的雪花牛, 所以就自然係揀「手切Prime雪花牛肉放題」了。
拋書包講一講,Prime係指美國農業部(USDA)的最高評級, 肉質同脂肪比例都係最好最平均的, 有別於一般市面上平份廉價的所謂雪花牛^^,
只係用牛油脂肪直接注入牛肉紋理去製造雪花效果, 而且手切的鮮牛肉色澤亦會更為亮澤, 唔會好似廉價雪藏牛咁色澤暗啞,
所以手切Prime雪花牛食落會非常有肉的鮮味。
除左招牌手切Prime雪花牛之外, 呢個放題亦都包埋安格斯牛肉同一口牛, 不過呢, 我個人就覺得食呢個放題最好都係全力食多d雪花牛喇, 因為Prime雪花牛的價值真係唔平架, 放題梗係要食貴野喇。而事實上呢個放題的手切Prime雪花牛質素亦都真係相當之高。
除左雪花牛之外, 放題本身亦都包左好多種基本湯底, 肉/丸/菜/飯/麵等等的火鍋食材, 同埋飲品同甜品, 所以係絕對夠食飽飽嘅。不過我同朋友都係識食之人, 點會咁易滿足, 所以我地加錢改左要做緊promo嘅「養顏花膠螺頭雞湯鍋」同埋加左個刺身。
想講返呢個花膠湯配雪花牛的組合真係可以話係天衣無縫, 雪花牛本身肉質幼嫩而且手切得既均勻又夠大片同厚身,
脂肪極少的雪花牛在充斥豐富膠原蛋白的花膠湯底的配合之下, 果份入口即溶的鬆化口感同味覺衝擊真係令人一試戀上,
結果成晚大部份時間不斷地狂食雪花牛, 真係非常非常之好味。
除左食物質素唔錯之外, 呢間餐廳的座位亦都好寬敞舒服, 而且服務態度亦都好好, 真係令我非常滿意。唯一美中不足係個放題得100分鐘時間, 真係好想再一直食落去呀~~
張貼
