好運泰國美食 (已搬遷) 新店位置

新蒲崗是一個具發展潛力的地區。於是，趁放工後有時間就到新蒲崗探索一下。雖然仲未有地鐵直達新蒲崗，但是在鑽石山地鐵站A出口一出，一直向前走，就能夠發現這片“世外桃源”。附近有MIKIKI商場，又有不少美食，中西美食應有盡有。我同朋友偏愛泰國菜，於是嘗試了“好運泰國美食“！ 揀呢間店的原因莫過於門面貼上了很多藝人明星與老闆的合照！ 咁出名，點可以唔試！ 睇過下餐牌，價錢平民貼地，難怪座無虛席，麻雀雖小，但五臟俱全！ 今次點了鮮蝦金邊粉，鮮蝦非常鮮甜，金邊粉炒得有大師級水準；招牌船河，牛肉和牛丸都非常鮮，河粉配合湯底十分濃郁；香酥薄餅，脆薄香酥；小食雙拼（炸蝦餅+香茅雞中翼）蝦餅彈牙，雞中翼十分入味；和泰式龍眼黑珍珠冰，柚子果纎蜜。