班蘭葉印尼餐廳

營業中

休息中

星期五晚去銅鑼灣行街，諗起有條街有幾間印尼餐廳。呢間好多唔同國籍嘅人食，都要排隊等。門口有好多小食賣。佢外賣價錢仲抵添。嘢飲叫咗椰子水同埋涼粉咖啡冰，個咖啡味道唔錯。呢個印尼黃姜飯勁大份，個雞髀都好大隻，仲有沙嗲同埋黃豆餅。見到呢個花膠粉皮，佢話係自創嘅。佢份量都比我想像中大，舊花膠好大，口感係爽嘅。粉皮個質感好似平時食啲腸粉咁。個湯底都好濃味。佢仲有唔同嘅配菜揀，我哋揀咗牛仔骨，呢個好林好入味。最有驚喜係呢個沙嗲大蘑菇，呢度嘅沙嗲醬真係好好味。我哋兩個人食其實唔係好食得晒，因為分量都好大。銅鑼灣呢個價錢真係好抵食。