御品·千之味 (深水埗) (已結業)

千之味依間外賣壽司好出名，上網即日order，叫滿$300就送到樓下喇！睇佢御品千之味外賣網頁，入面有好多唔同既拼盤，好正，有壽司盛合，有炒飯，有沙律，如果一大班人開party真係好岩！因為疫情，都唔係好敢出街食野，所以就叫佢既壽司。壽司就到既時候，司機會早少少提示，最後仲比預訂時間早到！幾好，叫外賣最忌係遲到嘛。不過注意佢地唔送上門，要落樓下拎。個壽司外賣附送一舊冰去保鮮，確保過程入面唔會因為太熱而變壞。啲壽司幾新鮮，都大舊足料，啲飯質都唔錯，外賣壽司黎講算係中上程度！刺身亦都幾新鮮！下次再有壽司癮，又唔想出街，大家不妨可以叫下！