影片
更多
2021-09-25
26 瀏覽
媽咪話好耐冇食過燒肉放題，呢日中午就去咗八木橋，皆因三日前訂座，可免費升級刺身任食，二人同行，仲有一人免費優惠，加一後每位約$240，非常抵食，店內有4款套餐，我哋揀咗「霞」套餐，一共94品120min內任點任食，包括揚物天婦羅、肉類、海鮮、麵食、菜、沙律、小食等。餐廳亦有雪糕及飲料自助索取。點餐不久，店員就送上五品刺身拼盤，有三文魚、帶子、牡丹蝦及希靈魚，雖然每片刺身都唔算厚切，但刺身都可以無限任添，而且質素以放題嚟講都合格有餘。跟住店員就奉上燒肉拼盤，有比目魚西京燒、鮑魚、味淋魚干、米澤三元豚肉、芝士雞腿肉，當然仲有主角--熟成M5和牛西冷！熟成M5和牛西冷肉味濃郁，油脂豐富，大大塊又厚身，一塊二人分享啱啱好！比目魚西京燒甜甜地好入味，魚肉嫩滑！芝士雞腿肉都有驚喜，嫩滑嘅雞肉配撘熱熔芝士，邪惡美味！拼盤款式多多，連味淋魚干都有！如果有埋蛋黃醬配搭，就更似居酒屋質素啦！反而韓風瓷壺醬油牛肋肉用燒嘅方法就比較韌。食完呢個豐富嘅燒肉拼盤，已經五六成飽！不過我哋都點咗唔少海鮮及牛肉。海鮮有虎蝦、牛油燒廣島蠔、清酒煮蜆及牛油帆立貝等，選擇多元化，回本位甚多，任點下我都食咗唔少。牛肉方面，除咗
店內有4款套餐，我哋揀咗「霞」套餐，一共94品120min內任點任食，包括揚物天婦羅、肉類、海鮮、麵食、菜、沙律、小食等。餐廳亦有雪糕及飲料自助索取。
點餐不久，店員就送上五品刺身拼盤，有三文魚、帶子、牡丹蝦及希靈魚，雖然每片刺身都唔算厚切，但刺身都可以無限任添，而且質素以放題嚟講都合格有餘。
跟住店員就奉上燒肉拼盤，有比目魚西京燒、鮑魚、味淋魚干、米澤三元豚肉、芝士雞腿肉，當然仲有主角--熟成M5和牛西冷！
熟成M5和牛西冷肉味濃郁，油脂豐富，大大塊又厚身，一塊二人分享啱啱好！比目魚西京燒甜甜地好入味，魚肉嫩滑！芝士雞腿肉都有驚喜，嫩滑嘅雞肉配撘熱熔芝士，邪惡美味！拼盤款式多多，連味淋魚干都有！如果有埋蛋黃醬配搭，就更似居酒屋質素啦！反而韓風瓷壺醬油牛肋肉用燒嘅方法就比較韌。
食完呢個豐富嘅燒肉拼盤，已經五六成飽！不過我哋都點咗唔少海鮮及牛肉。海鮮有虎蝦、牛油燒廣島蠔、清酒煮蜆及牛油帆立貝等，選擇多元化，回本位甚多，任點下我都食咗唔少。
牛肉方面，除咗熟成M5和牛西冷可以encore外，仲有唔同口味嘅牛板腱，試咗韓風醬油味及山葵味都醃得入味。當然唔少得一口牛、牛舌、牛胸腹、肩脊肉等，選擇都幾多。
年紀大咗，戰鬥力無以前咁高，哈哈。食咗唔少肉類，需要食蔬菜平衡一下！比較推薦下黑松露牛油雜菌及黑糖蕃薯燒！
雪糕及飲料都係自助索取。
整體嚟講，買一送一後價錢都幾抵食，而且上菜速度好快，2hrs絕對食得滿足！
張貼
