MX (馬頭涌道) (已結業)

平時自己一條友去開大_樂食下午茶，平靚正，又近屋企，食完買送反去做家務就啱哂我呢啲師奶仔！無啦啦有一日行錯路，行到去美心MX之後醒起佢都有下午茶，即刻覺得自己平時食開果樣就果樣，唔試吓啲新嘢，話就話係下午茶姐，間間快餐店嘅下午茶都差唔多，但係都可以試幾間唔同嘅！喺美心MX我淨係食過佢嘅燒鴨瀨粉，同我平時食開個間嘅燒鴨瀨粉爭好遠，美心呢間個湯好味好多，相反我平時食開嗰間好似就咁用水加幾粒鹽咁樣，但因為太中意食燒鴨瀨粉既關係所以湯底都少理！食完呢間嘅燒鴨瀨粉，實在不能忘記佢！只係20幾蚊，就有一碗瀨粉再加一杯野飲，上次俾錢嘅時候無啦啦同我講話我中咗奬，然後上網做問卷，再入中奬嘅號碼，下一次幫襯嘅時候就可以唔使錢換一個下午茶，係所有下午茶都得，凍飲自己加3蚊！買一送一，即係大概＄15就有個下午茶，真係超級抵啊！第一次去幫襯嘅時候，加左佢嘅七味雞翼試吓，感覺普普通通，但係佢碗燒鴨瀨粉真係好好食，以後下午茶都係幫襯返佢！順帶一提，而家美心MX佢哋提倡食客自己將食完嘅盤放返係回收站入邊，你拎到去回收站入邊，仲會請你食粒糖添！CP值高，又可以提升個人修養，真係一舉兩得！