板前壽司 (已結業)

呢日同班同學返學，之後呢度食餐飯。其實我都唔係太想食壽司，因為都唔算太平。咁就食lunch set，估唔到會有吞拿魚丼食。咁我實唔會錯過既。沙律都算幾新鮮既，不過配料就無乜特別。個汁好開胃，似係芝麻醋汁既味道。吞拿魚丼個飯，有吞拿魚蓉、吞拿魚腩同刺身既。首先係個飯，個飯係微暖既，不過食落好有口感。吞拿魚蓉係第一次食，個味道好得意同好新鮮。而吞拿魚腩好肥美好新鮮，食落好有口感。吞拿魚刺身都唔錯，只不過個份量少左。其實都幾貴下，不過有我鍾意既吞拿魚，就無乜所謂啦。