新記雞粥 (鴻禧大廈) (已結業)

今晚過黎旺角同一位好耐無見既朋友食飯，轉咗工第一次再約出黎食飯～早咗少少到，先點一杯熱豆漿飲～ 再睇下menu過咗無耐，朋友就到了可以落單～我地揀點咗貴妃雞豬潤粥，粥底軟綿綿，材料豐富，成碗大約有5、6件貴妃雞，和7、8件豬潤，雞肉嫩滑，份量大碗，成晚最中意呢個雞粥我地仲點咗一碟西芹炒帶子～帶子大約有5、粒左右，除咗主菜西芹，仲有d配菜紅蘿蔔、三色椒～炒得幾香口之後就係清蒸盲槽～盲槽魚骨少，肉質嫩滑再配上薑蔥一齊蒸，保留了盲槽的鮮味朋友還點了一杯五花茶～凍五花茶係無冰的，唔會令味道變淡，好細心吹咗成晚水～真係超好聊的fd子下次要再出黎食飯啊