影片
更多
2014-08-19
5207 瀏覽
媽咪心血來潮，午餐想食西班牙菜，記起友人曾經提及過QRE Plaza新開咗間西班牙餐廳Quemo，係近期o既潮點之一，所以就玩即興，約埋表姐同表妹去試新野。Quemo位於QRE Plaza六樓，地點其實好方便，離巴士、小巴、的士、電車及地鐡站都不遠，不過大廈最大問題係升降機，尤其係食完飯離開時，較底層餐廳內之食客往往要等幾轉先有位入；我地五個人當日結果等咗差不多成十分鐘先勉強入得到升降機離去 ，趕時間就慘啦！餐廳燈光柔和，間隔簡單，望落都幾順眼，空調如果可以強勁啲，感覺應更為舒適。大廳主要為四方形散座，枱櫈可隨意砌成不同大細o既座位，二人、四人、六人、八人或更長o既大枱都冇問題；餐廳其中一邊為酒吧，食客可選擇於吧枱用膳；室外亦設有座位，即吸煙者地帶，週末歡樂時光應該都幾多人吓。室內環境衛生本來都好合格，無奈因餐牌油淋淋，以及小弟於用膳時受到多隻蚊蟲滋擾 ，很是不爽，故不得不扣除幾分衛生分以示不滿 。服務方面，只懂英語o既外籍姐姐仔個個唔係面無表情，就係黑口黑面，見到佢地咁o既面口，食慾隨即大減 ！好在店內都有位同聲同氣o既哥哥仔，其表演亦較為客氣有禮，餐飯先冇咁背脊骨落！媽咪一
Quemo位於QRE Plaza六樓，地點其實好方便，離巴士、小巴、的士、電車及地鐡站都不遠，不過大廈最大問題係升降機，尤其係食完飯離開時，較底層餐廳內之食客往往要等幾轉先有位入；我地五個人當日結果等咗差不多成十分鐘先勉強入得到升降機離去 ，趕時間就慘啦！
餐廳燈光柔和，間隔簡單，望落都幾順眼，空調如果可以強勁啲，感覺應更為舒適。大廳主要為四方形散座，枱櫈可隨意砌成不同大細o既座位，二人、四人、六人、八人或更長o既大枱都冇問題；餐廳其中一邊為酒吧，食客可選擇於吧枱用膳；室外亦設有座位，即吸煙者地帶，週末歡樂時光應該都幾多人吓。
室內環境衛生本來都好合格，無奈因餐牌油淋淋，以及小弟於用膳時受到多隻蚊蟲滋擾 ，很是不爽，故不得不扣除幾分衛生分以示不滿 。
服務方面，只懂英語o既外籍姐姐仔個個唔係面無表情，就係黑口黑面，見到佢地咁o既面口，食慾隨即大減 ！好在店內都有位同聲同氣o既哥哥仔，其表演亦較為客氣有禮，餐飯先冇咁背脊骨落！媽咪一心要黎試食，我地一眾後輩當然係任佢點菜啦，結果佢每個種類都叫咗啲，包括沙律、火腿、炒蛋、海鮮、肉類、飯同甜品，非常豐富！
Beef-Heart Tomato Salad w/ Tuna Tataki（$140）：蕃茄蔬菜尚算新鮮，不過吞拿魚肉偏乾同嚡，而且醬汁過酸 ，絕對唔係我杯茶！
Iberico Jabugo 5J Ham 36 Months（$188）+ Homemade Tomato Bread（$40）：小肥唔多鍾意食火腿，因為往往都會嫌味道過咸。配上Quemo自家製o既蕃茄包，火腿味道冇咁咸，XO仔尚可以接受，整體雖則唔難食，但係蕃茄包質感較硬，故未達到要推介o既地步 。
Organic Fried Eggs with Fois Gras & Mushrooms（$ 138）：Quemo提供兩款炒有機蛋，價錢一樣，一款用魷魚炒，我地叫嗰款則用鵝肝及雜菌炒。如下圖所示，炒蛋上枱時貌似三文治，面層為鵝肝，中層為煎有機太陽蛋，底層為炒雜菌。
相機食完之後 ，哥哥仔就喺食客面前攪拌碟餸，即場炒製菜式，並建議將剛剛炒製o既蛋好似果醬咁塗上麵包食。
嘩，依味「鵝肝蛋醬多士」除咗有創意之外，味道更加係一絕，炒蛋撈入咗鵝肝，味道香濃甜美，口感非常軟滑，而且一啲都唔溜 ，唯一問題係唔夠熱 。
Razor Clam with Salsa Verde（$ 168）：蟶子雖然唔腥，不過就幾韌吓，而且味道欠奉 ，不吃也吧！
69° Slow Cooked Suckling Burgos Pig Bites（$ 228）：大家冇睇錯，燒豬就只有一細件，此乃餐廳所謂之“bite size”，形容得非常貼切，XO仔一口就可以食哂 ！件燒豬唔係好咸，肉質軟腍，層皮脆得黎只係有少少韌，其實做得相當唔錯，但係$ 228一細條也實在太吝惜了吧 ？！
Mediterranean Paella–Traditional Catalan Style w/ Cuttlefish & Clams（$ 468）：當女服務生呈上大大鑊o既paella時，感覺真係幾震撼！
不過姐姐仔開始攪拌，細佬先知原來鑊飯好薄，份量並非如想像中咁多。
飯入面o既料唔多，茄味頗濃，面無表情o既姐姐仔建議我地用手拿起蜆殼，粘上白色o既蒜香忌廉醬，再加上一殼飯黎食！小肥估計此乃傳統食法，幾野味，如果可以燶啲，效果應更佳，唯一最大問題係蜆內有沙 ，唔多值$ 468囉！
Authentic “churros con chocolate”（$ 58）：Quemo個churros唔多夠熱，而且咬落質感偏油同腍，唔夠外表睇起上黎咁香脆乾爽，另上o既朱古力醬更加係淡而無味，既不香，亦不甜，兩個字講哂「失敗」 ！
總結，Quemo地點及室內環境原本不俗，但可惜離開餐廳時要排好耐隊先搭得到大廈升降機，所以就變得唔多方便，不過最令XO仔失望莫過於其服務生o既態度，食物o既質素及價格，令小肥不得不狠批午餐為「貴夾唔飽」 ！
張貼
