影片
更多
2022-01-16
329 瀏覽
餐廳位置喺酒店頂樓, 全部落地玻璃對住大海景👍🏻 食物質素就…日本北海道帶子他他 - 帶子鮮甜, 原隻上, 前菜黎講份量足夠. 配埋三文魚子同橘子, 非常配合同開胃, 醬汁偏淡, 反而突出到帶子嘅鮮味, 好食芒果蟹肉卷配龍蝦啫喱 - 同樣幾大份, 賣相唔算好靚, 總係覺得好似瑞士卷😂 味道無第一道咁好, 主要係芒果太多, 而且比較酸, 食唔到蟹肉個味道. 上面嘅龍蝦啫喱同魚子都係一般香煎法國鴨肝配燴梨 - 今餐個人覺得最差嘅一道. 首先fine dining用鴨肝唔用鵝肝有少少失望. 第二係個鴨肝完全undercook. 佢係熟嘅, 不過煎得唔夠, 唔夠香, 唔夠燶. 食落感覺似烚煮多過煎熟, 好失望☹️龍蝦濃湯 - 食完道咁失望嘅菜飲個湯反而好有驚喜, 反差好大! 一向都好中意飲龍蝦湯個好多地方都煮得唔好. 哩個可以話係我好滿意嘅一個. 龍蝦鮮味好出, 飲得出係用新鮮龍蝦頭煲左好耐, 入面舊龍蝦肉大大舊而且好爽口. 湯味道又唔會太咸, 每一啖都係食緊龍蝦鮮味, 推介! 👍🏻👍🏻👍🏻香煎荷蘭野生鱸魚配羊肚菌 - 主菜有兩個選擇, 我地每樣叫一個試下. 老實講係普通西餐質素, 鱸魚over
餐廳位置喺酒店頂樓, 全部落地玻璃對住大海景👍🏻 食物質素就…
日本北海道帶子他他 - 帶子鮮甜, 原隻上, 前菜黎講份量足夠. 配埋三文魚子同橘子, 非常配合同開胃, 醬汁偏淡, 反而突出到帶子嘅鮮味, 好食
芒果蟹肉卷配龍蝦啫喱 - 同樣幾大份, 賣相唔算好靚, 總係覺得好似瑞士卷😂 味道無第一道咁好, 主要係芒果太多, 而且比較酸, 食唔到蟹肉個味道. 上面嘅龍蝦啫喱同魚子都係一般
香煎法國鴨肝配燴梨 - 今餐個人覺得最差嘅一道. 首先fine dining用鴨肝唔用鵝肝有少少失望. 第二係個鴨肝完全undercook. 佢係熟嘅, 不過煎得唔夠, 唔夠香, 唔夠燶. 食落感覺似烚煮多過煎熟, 好失望☹️
龍蝦濃湯 - 食完道咁失望嘅菜飲個湯反而好有驚喜, 反差好大! 一向都好中意飲龍蝦湯個好多地方都煮得唔好. 哩個可以話係我好滿意嘅一個. 龍蝦鮮味好出, 飲得出係用新鮮龍蝦頭煲左好耐, 入面舊龍蝦肉大大舊而且好爽口. 湯味道又唔會太咸, 每一啖都係食緊龍蝦鮮味, 推介! 👍🏻👍🏻👍🏻
香煎荷蘭野生鱸魚配羊肚菌 - 主菜有兩個選擇, 我地每樣叫一個試下. 老實講係普通西餐質素, 鱸魚overcook左, 唔夠滑嫩. 反而配菜同個汁仲好食. 又係幾失望之作
威靈頓美國牛柳 - again普普通通, 正常發揮. 唔驚艷但又唔係難食. 酥皮算脆嘅, 牛柳都算煮到medium
黃金焦糖榛子朱古力配雲呢拿雪糕 - 最後就係甜品. 睇外表好似好甜, 好彩食落只係外層係朱古力, 入面係焦糖榛子醬, 唔算好膩
總括今餐係失望嘅, 除左第一道前菜同個湯, 其餘真係水準以下, 以fine dining standard同咁嘅價錢, 唔合格. 不過! 餐廳個環境加番唔少分, 每一台都係window seat, 坐享270度大海景, 叫做補番少少分.
不過餐廳最特別係佢樓上個大天台, 亦都係今次staycation我覺得最正嘅地方! 個天台嗰日開放比guests, 一上到去完全270度無遮擋大海景! 由中環望到尖沙咀再望到九龍灣北角, 完全一望無際! 我相信香港應該無咩其他地方有咁嘅view👍🏻👍🏻👍🏻
私心評分
食物質素 ⭐️⭐️💫
性價比 ⭐️⭐️⭐️ (比個view)
張貼
