影片
更多
2013-08-07
95 瀏覽
黃枝記雲吞麵，可能係我食過最貴嘅雲吞麵。即係咁，一碗雲吞撈盛惠$53，加埋一差唔多$60㗎啦！其實咁貴，不如改名叫「大枝記」啦。講番兜雲吞撈，賣相平實，估唔到咁就袋你$53，雲吞4隻､菜芯2條､麵3啖就食完。份量少，好在雲吞結實有口感，中上水準；而麵條爽口彈牙，上乘之作，可惜另一敗筆係醬汁只有豉油顏色，完全無味囉。同一價錢，深水埗劉森記雲吞更足料，但論麵質，黃枝記略勝一籌，只係份量嚴重縮水，只夠攝牙罅，當食Tea就差唔多。可能一半價錢已經轉嫁到新城市廣場嘅租金啦。題外話，因特別關係獲8折加送一杯飲品，呢排燥燥哋，揀左柑桔話梅露生吓津､止吓渴，估你唔到呢杯飲品幾有質素，結合柑桔嘅甘甜﹠話梅嘅酸甜，味道清爽，我高度推介比大家。
即係咁，一碗雲吞撈盛惠$53，加埋一差唔多$60㗎啦！
其實咁貴，不如改名叫「大枝記」啦。
講番兜雲吞撈，賣相平實，估唔到咁就袋你$53，雲吞4隻､菜芯2條､麵3啖就食完。份量少，
好在雲吞結實有口感，中上水準；而麵條爽口彈牙，上乘之作，
可惜另一敗筆係醬汁只有豉油顏色，完全無味囉。
同一價錢，深水埗劉森記雲吞更足料，
但論麵質，黃枝記略勝一籌，只係份量嚴重縮水，
只夠攝牙罅，當食Tea就差唔多。
可能一半價錢已經轉嫁到新城市廣場嘅租金啦。
題外話，因特別關係獲8折加送一杯飲品，
呢排燥燥哋，揀左柑桔話梅露生吓津､止吓渴，
估你唔到呢杯飲品幾有質素，結合柑桔嘅甘甜﹠話梅嘅酸甜，
味道清爽，我高度推介比大家。
張貼
