八喜 (已結業)

星期六收咗工，平時同事都各有各閃，今次難得大家都得閒，一齊過嚟灣仔嘅八喜試一試，哩間嘢主打食台灣嘢，但亦有部份其他非台式食物。去到一打開lift門，見好多美心推銷產品，噓，原來又係美心D外省菜食肆，美心品牌，相信都唔差得去邊嘅，裝璜呀、餐具呀、服務呀，都係美心一貫高水準，當然價錢都係一樣高水平啦，好似我哋兩丁友，即使只係食個晏，主要都係叫吓點心，都要兩舊水鬆D落樓！兩舊幾水食咗乜？因為得兩個人，所以大大碟頭嘅嘢就唔叫喇，都係主攻點心：台南肉燥蒸芋粿、安平炸蝦卷、半邊天煎牛肉餅、灌湯小籠包，但又真係驚唔飽，就點咗個方魚肉碎泡飯（$38）同八喜担仔麵（$20）哩試，問過侍應都係細細碗咁，反正價錢又唔算太貴！小弟少食台式嘢，所以幾款點心都覺得好特別，尤其個肉燥蒸芋粿，基本做法有D似我哋嘅芋頭糕，先將芋頭刨絲再做成芋頭糕嘅樣，但無我哋嘅芋頭糕撈滿沾米粉漿哩蒸，佢似係就咁用芋頭絲壓成糕狀哩蒸熟，再切成一件件，打側睇見到D芋頭絲一絲絲蹤橫文錯，然後再晌面面淋上肉燥醬，惹味非常，口感鬆化，又好有芋香，鍾意食芋頭糕嘅人一定要試。另係個炸蝦卷，反而未有想像中咁正，但都炸得香脆唔油！牛肉餅亦都唔錯，咪睇佢