華苑潮州餐廳 (已結業)

同老兩個出咗尖沙咀， 想食打冷但以前厚福街果間早已唔存在，一時間真是諗唔到尖咀仲有邊度有得打冷。忽然想到這間出名嘢，仲記得當年三個人食都無不良印象，事隔多年就上門再試。打開菜牌有少少中伏感，郁啲都百幾蚊碟餸，真是有諗過走人。啲比自己年紀大一倍的伙記，見你唔係熟客又唔似豪食就肯定無咁好招呼。其實豐儉由人過門都係客，最忌比客feel到你service厚此薄彼。叫咗蠔仔粥，無咩特別；鵝片鵝腸有啲苦，芽菜打底比較多。仲有凍烏頭都無咩油，較乾。又貴又hea，或者合適啲有錢家庭嚟食，但格局又有啲落差。過程中有兩位冒名而來的日本遊客上咗嚟，睇完菜牌已經走人。一個字：後悔+食完dead 晒air