影片
更多
2013-06-24
203 瀏覽
見到好多劣評，我真係 R 晒頭。你話貴，出面街邊隨便一間日式拉麵舖都成百蚊一個麵，你喺國金二期食，$150 左右一碗，你仲想點？又有好多人話唔好食，咁呢啲嘢好主觀；但你話佢整得差同用料唔靚，我心諗：唔係下化？當然在 IFC2 收你 $150 一碗麵你唔好望係頂級，但一定好過 $100 一碗的拉麵店仔。$50 你食租金，喺香港你預咗㗎啦。況且出面超過 $100 的我覺得都無呢度咁抵食。我平均一個月來兩次。今次係食 lunch，叫了兩個午餐。豚肉稻庭烏冬，烏冬好煙韌，湯底夠熱。不過我估部分人唔鍾意食的原因，可能係佢湯底無出面咁重味。呢啲就真係好主觀。我鍾意欣賞食材的真味，出面得個鹹字我反而唔鍾意。呢碗烏冬的豚肉彈性充足，而且入口你真係感受到豬肉味充滿口腔的香味。真係算係咁㗎啦。另外是一個燒花魚定食。成條花魚上，開邊燒。燒得香得嚟唔會乾錚錚，筷子一按下去已經有好多水分咇出來，因此入口仍然鮮味。調味亦適中，唔需要點醬汁已夠味。（醬汁是醋汁，可以減少油膩感。）還有某信用咭送的炸豆腐，一般啦。不過送的就算啦。服務方面，經理是很有禮貌的。不過上菜慢了一點（我去的時候不算多人，只坐了約 2/3 座位）
又有好多人話唔好食，咁呢啲嘢好主觀；但你話佢整得差同用料唔靚，我心諗：唔係下化？
當然在 IFC2 收你 $150 一碗麵你唔好望係頂級，但一定好過 $100 一碗的拉麵店仔。$50 你食租金，喺香港你預咗㗎啦。況且出面超過 $100 的我覺得都無呢度咁抵食。
我平均一個月來兩次。今次係食 lunch，叫了兩個午餐。豚肉稻庭烏冬，烏冬好煙韌，湯底夠熱。不過我估部分人唔鍾意食的原因，可能係佢湯底無出面咁重味。呢啲就真係好主觀。我鍾意欣賞食材的真味，出面得個鹹字我反而唔鍾意。呢碗烏冬的豚肉彈性充足，而且入口你真係感受到豬肉味充滿口腔的香味。真係算係咁㗎啦。
另外是一個燒花魚定食。成條花魚上，開邊燒。燒得香得嚟唔會乾錚錚，筷子一按下去已經有好多水分咇出來，因此入口仍然鮮味。調味亦適中，唔需要點醬汁已夠味。（醬汁是醋汁，可以減少油膩感。）
還有某信用咭送的炸豆腐，一般啦。不過送的就算啦。
服務方面，經理是很有禮貌的。不過上菜慢了一點（我去的時候不算多人，只坐了約 2/3 座位）。侍應服務態度算 OK，但不太醒水，例如不會主動給碟仔和斟茶等。其實已經唔算人手少，這點仍需改善。
總括而言，IFC2 食嘢貴你預咗，但考慮呢一點後佢係咪唔抵食，我覺得佢係 OK 的。如果你夜晚去食那石鍋拉麵，熱辣辣在冬天去食真係好溫暖。不過如果你係食慣好重味精的湯底那種客，那就不要去了。
題外話/補充資料：
這家店近日愈來愈多自由行旅客，有時好嘈下。
(以上食評乃用戶個人意見 , 並不代表OpenRice之觀點。)
張貼