芒果王 (已結業)

長洲的小食好多,特別是賣沙冰跟芒果糯米糍，仲密過7-11，由街頭去到街尾都至少十檔八檔，其中位置天后廟對面的芒果王係我大愛，原因又係庶渣價錢，燒鵝享受，特別是芒果沙冰，老實說，細細杯就$16真是有點貴。但勝在質素不欺場，上面的芒果肉新鮮清甜唔在說，仲塊塊都厚底，重點係沙冰由芒果蓉結冰打碎而成，所以味濃而質地稠，即使溶化後都食到濃濃的芒果汁。至於芒果糯米糍，糯米皮又薄又堅韌，包裹兩片芒果肉，芒果肉真是有我手掌的2/3咁大，都只是$11。可惜今次一邊的芒果太酸，酸到我頂唔順。雖然係咁，幫襯咁多次都無欺場，整體都好唔錯，不枉我在烈日33度行咁遠只為兩件甜品。