季悅 (已結業)

真係未試過咁心急寫食評，個盤菜賣成千蚊，竟然連最基本既都做唔到，圖文只供參考我就見過，文字只供參考真係第一次見。

盤菜

$1038

雞鴨份量少，勁多粒魚蛋，但我完全見唔到半粒慈菇，用魚蛋扮慈菇咁黑心!?

大家都話個盤菜唔油膩，咁緊係啦，都無豬腩肉，又去左邊呀？

食到落底都見唔到半條髮菜，唔通我地真係咁勁食得曬每一條髮菜咩。

食到落個底，裡面有好多白蘿蔔、蓮藕、芋頭，白蘿蔔切片會好味過切條，芋頭係幾好味既，但可以切細條啲，蓮藕佢應該係放左一整條落去，真係多得好緊要。