薈亞廚房 (已結業)

城市中心裝修咗噤耐，開多咗幾間餐廳，裝修都唔錯，於是就入咗去其中一間試試喇！今次自己就叫咗個傳統喇沙湯金邊粉同芋絲網皮春卷！其實見到好多人都叫２人餐，但計一計數就知道餐唔係噤抵無咩平過但又無得揀又唔夠嘢食，都係散叫好！個傳統喇沙湯金邊粉一上檯我真係呆咗呢個真係喇沙？但明明問多次個侍應，佢都係噤答我，但睇落明明就係咖哩，真係好難理解！唯有試試先啦，飲咗小小個湯，好失望。。呢個係淡咖哩加小小小小喇沙味，講明係小小小小喇沙，真係小到好難發覺 唔係喇沙都唔緊要，問題係唔好食湯係怪怪地所有味都係四不像噤，但食極都感覺唔到喇沙味想夾起個粉都真係有難度呀個粉仲係一餅餅嫁，浸多一陣，「了」多陣，先散開咗小小，但都係痴痴地，多係多嘅，但真係難食芋絲網皮春卷食落除咗多油，味道都ｏｋ嘅！但好細條，無咩餡好似食到有小小芋絲同肉碎，因為個金邊粉唔係食咗好多，所以加埋個春卷都唔夠飽！番屋企仲要煮個麵填飽自己