影片
更多
2008-11-16
17 瀏覽
一向對食壽司都抱住類敗類試的精神，點解? 好多時去一些壽司店，價錢唔平，但係質數就非常一般，其實我已經唔係用壽司德或湖州那些正宗壽司來比，只係用板前來比。都係板前的價錢比較合理，與質數比較穩定。睇完CIA光碟失竊案，出乎意料之外咁好笑，仲係黑色幽默果種，但係我覺得某程度上都反映CIA處事其實都係好求其。講番上壽司，我地睇完戲差不多十點，咁要食野，經過呢度見唔駛排隊就試下啦。竟然有特價，其實都係兩件送一件。咁食番我地係板前成日食那些，火炙鰻魚壽司，火炙三文魚壽司，帆立貝壽司，海膽壽司，黑蟹籽壽司，綠茶冷麵卷，加洲卷，鰻魚卷，三文魚同蟹子手卷。d壽司黎到，就知失望，ｄ飯好散，一夾就散曬，d火炙芝士鰻魚壽司，d鰻魚係d頭頭尾尾片出黎咁，可以收人十蚊件! 似超市那些$4件那些貨色! 更加唔好話同板前那些整件厚切比! 火炙三文魚壽司都okay. 海膽壽司，d 海膽係糊了的，並不是見到面那些一粒粒細紋的，有腥味，當然唔係太新鮮啦!咁多碟係帆立貝壽司比較Okay, 都稍有鮮味，不過佢賣到$25 一客，板前只係$20. 果d特式卷物，每碟得兩小粒，d料又少，唔怪得d食評都無人提，根本係我地傻瓜才叫!
睇完CIA光碟失竊案，出乎意料之外咁好笑，仲係黑色幽默果種，但係我覺得某程度上都反映CIA處事其實都係好求其。
講番上壽司，我地睇完戲差不多十點，咁要食野，經過呢度見唔駛排隊就試下啦。竟然有特價，其實都係兩件送一件。咁食番我地係板前成日食那些，火炙鰻魚壽司，火炙三文魚壽司，帆立貝壽司，海膽壽司，黑蟹籽壽司，綠茶冷麵卷，加洲卷，鰻魚卷，三文魚同蟹子手卷。
d壽司黎到，就知失望，ｄ飯好散，一夾就散曬，d火炙芝士鰻魚壽司，d鰻魚係d頭頭尾尾片出黎咁，可以收人十蚊件! 似超市那些$4件那些貨色! 更加唔好話同板前那些整件厚切比! 火炙三文魚壽司都okay. 海膽壽司，d 海膽係糊了的，並不是見到面那些一粒粒細紋的，有腥味，當然唔係太新鮮啦!
咁多碟係帆立貝壽司比較Okay, 都稍有鮮味，不過佢賣到$25 一客，板前只係$20. 果d特式卷物，每碟得兩小粒，d料又少，唔怪得d食評都無人提，根本係我地傻瓜才叫!
呢度連杯茶都無味，唔會係元氣咁好綠茶粉任落，根本飲唔出係乜野茶!!!
最出位的係那綠茶冷麵卷，$20一碟，碟野黎到，嚇我一跳，係乜咁既野係壽司!? d 卷物唔係至少2cm高(青瓜卷都有啦!), 先至係壽司。呢碟野上面的東東，1cm厚都無。係真唔係? 問一個女 waiter, 點解同menu 幅相唔同，她說她第一出呢碟野，她唔知，跟住黑面行開。問第二個女 waiter, 她說不瀏都係咁，亦係行開。救命，無睇劉華的廣告嗎?跟住見一個打呔的經過，問他點解碟綠茶冷麵卷同menu 幅相唔同，他才說跟我們換過。我地當然拒絕要cancel order 啦。今時今日d咁既服務水準同出品質數。真係要介紹老闆睇下李順恩的專欄了。
最後埋單都要 $180, 跟我地去板前食差不多呢。所以又一次證實點解d人一個鐘都係咁排啦。
張貼
