影片
更多
2017-06-12
7223 瀏覽
Bagel (貝果包)係最近屈小姐同賴生迷上既一種麵包，好多時一個淨貝果包已經索價$25，但其實一個好味又正宗既貝果包的確值呢個價錢，因為要整一個正宗好味既貝果包工序係好繁複，而且技術層面要求好高，一過左火就做唔到好貝果包果種帶嚼口而鬆軟既獨特口感！貝果包係17世紀由波蘭人發明出黎嫁，中間個窿窿其實係設計黎方便攜帶嫁咋，冇特別既意義！但整一個好既貝果包就要留意2點啦：1）發酵要用低溫長時間發酵，一但發酵太長或者溫度太高都會令個貝果包過份鬆軟，冇左有嚼口既口感嫁啦！2）要用熱水處理。同樣，燙得太耐又會冇左嚼口口感！無論技術層面同製造時間都咁複雜，所以係絕對值得比呢個價錢既！(另外整貝果包其實落好少油嫁咋!!係一種好健康既麵包!所以加分!)屈小姐同賴生食過幾間貝果包，暫時覺得R&R Bagel既出品最有嚼口最岩我地口味！所以今次向大家推薦黎呢度食貝果包！由中環利源西街五顏六色既排檔窄巷行入去，你就會搵到呢一間隱世Bagel，點解叫隱世？因為你好難想像一條人來人往又有商販叫賣既窄巷入面，有一間全落地玻璃外牆既Cafe！令隱世味道更濃既係，當你一拉開個玻璃門入去，你就好明顯感受到入面「悠閒」同
貝果包係17世紀由波蘭人發明出黎嫁，中間個窿窿其實係設計黎方便攜帶嫁咋，冇特別既意義！但整一個好既貝果包就要留意2點啦：
1）發酵要用低溫長時間發酵，一但發酵太長或者溫度太高都會令個貝果包過份鬆軟，冇左有嚼口既口感嫁啦！
2）要用熱水處理。同樣，燙得太耐又會冇左嚼口口感！
無論技術層面同製造時間都咁複雜，所以係絕對值得比呢個價錢既！(另外整貝果包其實落好少油嫁咋!!係一種好健康既麵包!所以加分!)
屈小姐同賴生食過幾間貝果包，暫時覺得R&R Bagel既出品最有嚼口最岩我地口味！所以今次向大家推薦黎呢度食貝果包！
由中環利源西街五顏六色既排檔窄巷行入去，你就會搵到呢一間隱世Bagel，點解叫隱世？因為你好難想像一條人來人往又有商販叫賣既窄巷入面，有一間全落地玻璃外牆既Cafe！
令隱世味道更濃既係，當你一拉開個玻璃門入去，你就好明顯感受到入面「悠閒」同出面「繁囂」既對比，感覺好似一道門隔開左2個世界咁，一入到去你就會放慢腳步，悠哉悠哉咁係五花八門既Bagel入面揀自己最想食既!
落完Order再坐低係木枱、木櫈同小梳化度一邊等你既Bagel，一邊同你至愛既愛人/家人/朋友傾計，再望一望外面既忙碌，甚是愜意！ 相信淨係呢個環境都已經會吸引到唔少人⋯加上呢度既貝果包真係不得了！
介紹完環境之後，介紹下食物先~~~!!
R&R Bagel非常貼心!! 每個Bagel都預先幫你直切一半，方便你食同埋share，張包裝紙滴水不漏，但又好容易撕開一半!!超方便!
R&R Bagel既貝果包有3大類Order方法；
1）揀有預先設計餡料既Bagel，價錢係$65 起 (岩哂選擇困難症人士)
2）自選唔同既Cream Cheese 同Bagel，嘗試DIY組合帶黎既衝擊，價錢係$35一個
3）淨Bagel拎番屋企自己加料夾住食，價錢就最相宜，$25一個
其實3種食法都各有千秋，第1就食舖頭既手勢同配搭，第2種就試佢唔同Style既Cream Cheese，第3種就岩晒自己係屋企整早餐/Tea!
之不過望住呢個Menu見到咁多種唔同既Bagel，Cream Cheese同配料既選擇......真係好難揀!!
不如等賴生同屈小姐比d意見你地啦!!
A) 其實最基本就係你要揀好左你想食既貝果包底先!! 賴生同屈小姐就試過幾種(仲未試得晒呀!!!太多啦!!)
P.S. : 呢度既貝果包出色之處就係做到面層有嚼口，而裹面就好鬆軟!! 以下每一種都係有呢種口感
Wholegrain Smashed Avocado & Egg Bagel
$65
104 瀏覽
0 讚好
0 留言
Sesame Roast Beef Bagel
$85
67 瀏覽
1 讚好
0 留言
Poppy Hampton Bagel
$85
54 瀏覽
0 讚好
0 留言
Garlic Bagel
$25
127 瀏覽
0 讚好
0 留言
Onion Maple Bacon & Egg Bagel
$65
43 瀏覽
0 讚好
0 留言
Everything Bagel
$25
43 瀏覽
2 讚好
0 留言
B) 跟住介紹下R&R Bagel 提供既配搭先~~~!!
首先係早起的鳥兒有蟲吃系列，亦都係我地今日食既果2個貝果包，要星期一至五朝早10點前 / 星期六11點半前 先有得賣嫁!
Wholegrain Smashed Avocado & Egg Bagel
$65
86 瀏覽
0 讚好
0 留言
呢個配搭有新鮮蕃茄片，新鮮煎好既奄列，壓碎左既牛油果蓉，黑椒同Low Fat Cream Cheese! 呢個配搭好和諧，每樣野既味道你都可以一啖食得出，互相輝映，唔會搶味! 除左牛油果，黑椒，蕃茄同蛋之外，連Cream Cheese味都食得到! 同埋呢個組合好健康呀!! 只係食得耐感覺有點Cream Cheese既油膩，同埋呢感覺上$65食蛋，蕃茄同牛油果有dd唔抵....性價比有一點點不足!
Onion Maple Bacon & Egg Bagel
$65
178 瀏覽
0 讚好
0 留言
呢個Bagel一打開真係好經典好有美國feel! 一打開成堆切碎左既煙肉，流心蛋，楓糖同Plain Cream Cheese，賴生同屈小姐都同樣覺得呢個包極度邪惡呀!!!! 呢個配搭其實都幾出奇不意，楓糖既甜味中和左煙肉既油膩感，而且舖頭好細心咁事先將d煙肉切碎左，食既時候就唔會一整塊扯晒出黎，令我地可以更加平均咁食到個包既餡! 煙肉仲煎香煎脆左添，令我地內心覺得煙肉既油已經逼出，冇咁肥(掛?)，不過由於煙肉太多，真係遮晒Cream Cheese既味，好彩流心蛋有好重蛋黃味，夾埋煙肉食仲好好味添!!!
之後就係隨時食系列啦!
Sesame Roast Beef Bagel
$85
83 瀏覽
0 讚好
0 留言
入面有燒安格斯牛肉，車打芝士，菠菜葉，紅洋蔥同Cream Cheese! 安格斯牛肉味濃又出，肉質又唔鞋! 最正係佢搭左菠菜葉同紅洋蔥，加添濕潤水份，菠菜葉仲好清爽，簡直係神來之筆，呢度既菜真係好係新鮮，食得出既fresh!! 雖然呢塊係車打芝士，芝味理論上係重d，但反而佢變左安格斯既襯托，令牛肉味更出更濃! Great!!
Poppy Hampton Bagel
$85
80 瀏覽
0 讚好
0 留言
呢個餡就有燒雞胸，卡門芝士，香蒜醬，紅莓乾，胡桃，芝麻菜同Cream cheese! 香蒜醬已經同Cream Cheese同芝士融為一體，芝麻葉新鮮又好爽口，搭落燒雞胸度，令雞胸都唔覺乾! 雞肉味仲幾出添! 最特別係粒胡桃同紅莓乾，胡桃令個包食落有陣陣獨特既果仁香，而紅莓乾就甜甜地，令個包多左個味道層次，咸咸甜甜，好正! 佢仲令咸味果part更加豐厚!!
總括而言，R&R Bagel真係令我地一試愛上！ 無論係食物味道&口感、環境、價錢定服務，都令我地非常滿意！ 賴生同屈小姐既目標係要試哂R&R既所有Bagels同Cream Cheese！ 我地會番黎再同大家報告架！
#早起的鳥兒有蟲吃
#再早d起身買比妳食都值
#見到妳食得咁滿足同開心就夠
#千萬別讓女朋友挨餓
#SayGoodbyetoGlasses
#WishYouHealthy
張貼
