影片
更多
2023-04-10
713 瀏覽
今日係觀塘行街，行行下覺得肚餓，見到一問小店“意堡”。門口放咗個全日餐餐牌📔，見價錢唔貴又有我哋想食嘅食物，於是走入去試下😆。小店面積真的比較小，大約只可容納🔟個人，但整體環境舒適整齊，老板🙎♂️及店員🙎♀️可以同我哋近距離接觸.....咦😳？！等等...原來仲有一個“店員”，佢就係貓店長🐈豆豆啦😍😍，冇錯鍾意貓🐱嘅朋友聽到呢個消息一定好興奮😍。講返啲食物先，我哋叫咗幾款試下。香草雞扒飯 $38雞扒🐓大大塊煎至乾身香口，調味適中帶香草味，肉質軟腍又juicy，送飯食一流😋。自家制豬頸肉漢堡 $60見幾特別所以叫個嚟試下，豬頸肉🐖厚身有油香有嚼勁的質感。配上千島醬及加牛油烘過嘅漢堡包🍔，估唔到味道夾之餘又幾好食😋。忌廉芝士配炸墨魚肉 $30外層炸漿又薄又脆，墨魚🦑肉質軟腍，點咗忌廉芝士醬🧀一齊食，味道特別之餘口感又豐富🥰。松露醬配粗薯條 $25薯條🍟表面炸得香脆，因為粗身，所以薯味🥔香濃，松露醬淡淡地，反而更能突出薯香味🥰。總括而言，食物有質素，價錢貼地。另外，店內雖然得2️⃣個人，依然運作流暢及照顧全場，我覺好厲害😁。後記：貓店長🐱今日好鍾意同我哋玩躲貓貓，我哋食緊嘢嘅時候，佢喺我
小店面積真的比較小，大約只可容納🔟個人，但整體環境舒適整齊，老板🙎♂️及店員🙎♀️可以同我哋近距離接觸.....咦😳？！等等...原來仲有一個“店員”，佢就係貓店長🐈豆豆啦😍😍，冇錯鍾意貓🐱嘅朋友聽到呢個消息一定好興奮😍。
講返啲食物先，我哋叫咗幾款試下。
香草雞扒飯 $38
雞扒🐓大大塊煎至乾身香口，調味適中帶香草味，肉質軟腍又juicy，送飯食一流😋。
28 瀏覽
0 讚好
0 留言
自家制豬頸肉漢堡 $60
見幾特別所以叫個嚟試下，豬頸肉🐖厚身有油香有嚼勁的質感。配上千島醬及加牛油烘過嘅漢堡包🍔，估唔到味道夾之餘又幾好食😋。
12 瀏覽
0 讚好
0 留言
忌廉芝士配炸墨魚肉 $30
外層炸漿又薄又脆，墨魚🦑肉質軟腍，點咗忌廉芝士醬🧀一齊食，味道特別之餘口感又豐富🥰。
松露醬配粗薯條 $25
薯條🍟表面炸得香脆，因為粗身，所以薯味🥔香濃，松露醬淡淡地，反而更能突出薯香味🥰。
11 瀏覽
0 讚好
0 留言
總括而言，食物有質素，價錢貼地。另外，店內雖然得2️⃣個人，依然運作流暢及照顧全場，我覺好厲害😁。
後記：貓店長🐱今日好鍾意同我哋玩躲貓貓，我哋食緊嘢嘅時候，佢喺我哋面前行嚟行去，當我放低餐具想同佢🐈交流下嘅時候，佢就即刻匿埋，好鬼馬🤣。好彩我離開這間店之前，佢都有同我握手🤝道別。
張貼
