友拉麵

營業中

休息中

作為港島人，經朋友介紹去咗食荃灣嘅出名拉麵店。 店舖較為隱世，由地鐵站走過荃豐中心同幾個商場就到。 雖然係平日夜晚，但入面都吸引唔少人。食店適合貓奴到訪，掛滿貓貓相同裝飾。 雖然我唔算係貓奴，但望住相中貓貓用餐都幾得意。 仲有，餐廳嘅即棄 筷子係印有日系花紋，唔似即棄🤣。食店主打4 款拉麵，我叫咗打卡畫面豐富啲嘅櫻花蝦拉麵，而朋友鍾意食辣就試下辛肉碎拉麵。拉麵可以揀直或曲麵, 我哋偏好直麵，而麵質就揀咗正常。櫻花蝦拉麵本身湯底唔會過濃，加上櫻花蝦 就更加突出蝦味。而食辛肉碎拉麵嘅開始時唔太感覺到辣，但原來會愈食辣味愈出，係屬於第二級辣度。如果超鍾意辣味，可以挑戰下地獄拉麵，係第六級辣度。 2 碗麵配料差唔多。叉燒唔算好肥, 帶燒烤味，味玉係幾流心嘅蛋 ，蛋液超邪惡。