四寶食堂 (兆安廣場)

營業中

休息中

由門口到入面裝修都唔知普通茶餐廳，用CAFÉ會更加貼切。食物方面都係中西都有，它三比例左右。星期六日2點幾食都要排一陣十五分鐘隊。黑蒜油叉燒滑蛋飯 $60★★★★☆滑蛋炒得夠滑身夠嫩，唔會變左炒蛋咁，食落似係加左奶，但就少左陣蛋香味！叉燒算係肥瘦適中少少偏瘦，唔算特別有炭火味。佢地係滑蛋上面仲有淋左一層黑蒜油同埋甜豉油，當日又食唔到黑蒜油個香味，唔知係太少定點。甜豉油冇煮過就咁淋落去，都夠撈哂成個飯，加埋撈勻成個食味道認真唔差，未去到最正香港港式滑蛋叉燒飯級數。但唔洗點排隊，又有幾間分店黎講水準算係唔錯。蔥油豬扒煎蛋飯 $65★★★★☆對比起滑蛋飯，反而覺得個蔥油豬扒煎蛋飯都幾唔錯又抵食！蔥油多又夠香，啲蔥唔會全部淋哂，仲有啲咬口，撈飯一流。豬扒有成2大塊都幾厚，用豉油醃得好入味，食落又軟稔。個大陽蛋生熟程度剛好，如果佢煎得香口啲燶邊會更正，食落有陣焦香味。唯一敗筆係個飯唔夠熱，搞到撈個蛋食落冇咁出色。港式茶記忌廉煙肉磨菇所謂卡邦尼意粉 $52★★★☆☆雖然好似茶餐廳，但亦有咖啡廳食到嘅西式意粉，但餐牌都寫明係港式，所以唔會好似西式咁濃稠杰身，都做到少少掛汁。個味道都有平時食落嘅7成，